پوری قوم کو عید پر مبارکباد پیش کرتا ہوں،مقبوضہ کشمیر کی بھارت سے آزادی تک کشمیریوں کی عید ادھوری ہے،شہداء کشمیر ہمارے اصل ہیرو ہیں ، راجہ مشتاق احمد منہاس

اتوار 24 مئی 2020 14:05

اسلام آباد ۔ (اُردو پوائنٹ اخبارتازہ ترین - اے پی پی۔ 24 مئی2020ء) وزیر اطلاعات آزادکشمیر راجہ مشتاق احمد منہاس نے کہا ہے کہ پوری قوم کو عید پر مبارکباد پیش کرتا ہوں،مقبوضہ کشمیر کی بھارت سے آزادی تک کشمیریوں کی عید ادھوری ہے۔اتوار کو عید الفطر کے موقع پر اپنے پیغام میں انہوں نے کہا کہ وزیر اطلاعات نے کہا کہ کشمیریوں کی حقیقی عید اس دن ہو گی جب مقبوضہ جموں کشمیر بھارت سے آزاد ہو گا ،آج شہداء کشمیر کو خراج عقیدت پیش کرتا ہوں۔

(جاری ہے)

انہوں نے کہا کہ شہداء کشمیر ہمارے اصل ہیرو ہیں ،ان بہادر کشمیری ماوں کو سلام جنہوں نے اپنے لخت جگر آزادی کیلئیوار دئیے ،ان بہادر کشمیری بہنوں کو سلام جن کے بھائی تحریک آزادی میں شہید ہوئے۔راجہ مشتاق منہاس نے کہا کہ ان بہادر کشمیری بھائیوں کو سلام جن کے بھائی تحریک آزادی کشمیر میں شہید ہوئے،بھارت جلد بہادر کشمیریوں کے سامنے گھٹنے ٹیک دے گا،فتح انشاء اللہ حق کی ہوگی اور کشمیریوں کو آزادی مل کر رہے گی۔