آزادی پسند رہنمائوں ، تنظیموں کی برطانیہ میں گردوارے پر حملے کی مذمت
بدھ 27 مئی 2020 12:19
(جاری ہے)
انہوںنے کہا کہ ڈربی میں ایک نامعلوم لڑکے کی طرف سے گردوارے پر حملہ بھی مکروہ بھارتی کارروائی ہے جسکا مقصد سکھوں کو کشمیریوں سے بدظن کرنے کی کوشش کرنا ہے۔
انہوںنے گردوارے پر حملے کی شدید مذمت کرتے ہوئے کہا کہ بھارت اوچھے ہتھکنڈوں سے کشمیریوں کی تحریک آزادی کو نقصان پہنچانے کی اپنی کوششوں میں ہرگز کامیاب نہیں ہو گا۔ محمد شفیع لون نے اقوام متحدہ اور انسانی حقوق کی عالمی تنظیموں سے مطالبہ کیا کہ وہ نہتے کشمیریوں پر بھارتی مظالم کا نوٹس لیکر تنازعہ کشمیر کے حل کے لیے کردار ادا کریں۔ جموںوکشمیر یوتھ سوشل فورم کے چیئرمین عمر عادل ڈار نے سرینگر سے جاری ایک بیان میں گردوارے کی توڑ پھوڑ کی مذمت کرتے ہوئے غیر انسانی فعل کی مکمل تحقیقات کا مطالبہ کیا۔ کشمیر تحریک خواتین کی چیئرپرسن زمرودہ حبیب نے سرینگر میں ایک بیان میں گردوارے پر حملہ کی مذمت ہوئے کہا کہ سکھ اور کشمیری مسلمان باہمی اتحاد و یکجہتی کے ذریعے بھارت کے مذموم مصوبوں کو ناکام بنا دیں گے۔ حریت رہنمائوں یاسمین راجہ اور فردوس احمد شاہ نے بھی اپنے بیانات میں گردوارے پر حملے کی مذمت کی ہے۔ جموںوکشمیر پیپلز موومنٹ کے چیئرمین میر شاہد سلیم نے جموںسے جاری ایک بیان میں گردوارے پر حملے کی شدید مذمت کرتے ہوئے سکھوں کے ساتھ اظہار یکجہتی کیا ہے ۔ انہوںنے کہا کہ سکھ برادری کشمیریوں اور دیگر محکموں اقوام کا بھر پور ساتھ دے رہی ہے جو بھارتی ایجنسیوں کیلئے ناقابل برداشت ہے لہذا یہی وجہ ہے کہ وہ اوچھے ہتھکنڈوں کے ذریعے کشمیریوں اور سکھوں کے درمیان دوریاں پیدا کرنے کیلئے کوششاں ہیں۔ انہوںنے گرد وارے پر حملے میں ملوث اصل مجرموں کو سامنے لا کر انہیں کڑی سزا دینے کا مطالبہ کیا۔تحریک وحدیت اسلامی نے سرینگر سے جاری ایک بیان میں گردوارے پر حملے کی مذمت کرتے ہوئے کہا کہ ایسے بزدلانہ حملوں کی کوئی گنجائش نہیں ہے ۔ بیان میں کہا گیا کہ یہ حملہ ایک بڑی سازش کا حصہ لگتاہے کیونکہ سکھ اور مسلمان کشمیر اور خالصتان کے معاملات پر یکسان موقف رکھتے ہیں لہذا دشمن اس طرح کی گھنائونی حرکات کے ذریعے ان دونوں کے درمیان دوریاں پیدا کرنا چاہتا ہے۔ بیان میں گردوارے پر حملے میں ملوث مجرموں کو کڑی سزا دینے کا مطالبہ کیا گیا۔ تحریک حریت جموں وکشمیر آزاد کشمیر شاخ کے کنوینر غلام محمد صفی نے بھی اسلام آباد میں ایک بیان میں گردوارے پر حملے کی مذمت کی ہے۔ میر واعظ عمر فاروق کی سربراہی میں قائم حریت فورم کی آزاد کشمیر شاخ کے کنوینر سید فیض نقشبندی نے ایک بیان میں گردوارے پر حملے کی مذمت کرتے ہوئے سکھ برادری کے ساتھ اظہار یکجہتی کیا۔ جموںوکشمیر پیپلز لیگ کے جنرل سیکرٹری مولوی احمد راتھر اور وائس چیئرمین سید اعجاز رحمانی نے ایک مشترکہ بیان میں گردوارے پر حملہ کی مذمت کرتے ہوئے سکھ برادری کے ساتھ مکمل اظہار یکجہتی کیا۔ انہوںنے کہا کہ سکھ برادی کشمیر کاز کی بھر پور حمایت کر رہی ہے لہذا بھارت سکھوں اور کشمیری مسلمانوں کے درمیان غلط فہمیاں پیدا کرنا چاہتا ہے لیکن وہ مذموم منصوبے میں کامیاب نہیں ہوگا۔ دریں اثنا لندن میں قائم آل پارٹیز انٹرنیشنل کشمیر کوآرڈی نیشن کمیٹی کے سرپرست اعلیٰ مفتی حافظ فصل احمد قادری ، تحریک کشمیر برطانیہ کے صدر راجہ فہیم کیانی اورتحریک کشمیر یورپ کے صدر محمد غالب نے بھی اپنے بیانات میںڈربی میں سکھ گردوارے پر حملے کی شدید مذمت کرتے ہوئے تمام کشمیر ی اور پاکستانی برادریوں کی طرف سے سکھوں کے ساتھ مکمل اظہار یکجہتی کیا ہے ۔ انہوں نے کہا کہ تمام فرقوں کے افراد کو اپنے اپنے طریقے کے مطابق عبادات کا حق حاصل ہے اور جس کسی نے بھی گردوارے پر حملہ کیا ہے وہ کڑی سزا کا مستحق ہے۔ ڈربی میں موجود کشمیری اور پاکستانی برادری کے رہنمائوں Yahya Akhte ، چودھری محمد فاروق ، چودھری محمد اعظم ، عبدالرحمان ، گلزار احمد اور دیگر نے بھی گردوارے پر حملے کی شدید مذمت کرتے ہوئے سکھ برادری کے ساتھ مکمل اظہار یکجہتی کیا ہے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.