نیوزی لینڈ میں ہسپتالوں سے آخری مریض کو بھی فارغ کر دیا گیا

بدھ 27 مئی 2020 15:24

کرائسٹ چرچ (اُردو پوائنٹ اخبارتازہ ترین - این این آئی۔ 27 مئی2020ء) کورونا وائرس سے مقابلہ کرنے کے حوالے سے سب سے کامیاب ممالک میں شمار ہونے والے ملک نیوزی لینڈ میں گذشتہ شب کورونا وائرس کے آخری مریض کو ہسپتال سے فارغ کر دیا گیا ہے۔

(جاری ہے)

رپورٹ کے مطابق کئی ماہ میں پہلی مرتبہ ملک میں کسی ہسپتال میں کورونا وائرس کا کوئی مریض زیرِ علاج نہیں۔نیوزی لینڈ میں گذشتہ پانچ دنوں میں کوئی نیا کیس بھی سامنے نہیں آیا اور ملک میں کل تقریباً 1500 کیسز ہیں۔نیوزی لینڈ میں 420000 افراد نے حکومت کی ٹریسنگ ایپ بھی ڈاؤن لوڈ کی ہے۔