مسلم ثقافت کے فروغ کے لئے پاکستان و ترکی مل جل کر کام کریں، الطاف شکور
اسلاف کی تاریخ سے قوم کو روشناس کرانے کے لئے ارطغرل غازی جیسے ڈرامے وقت کی ضرورت ہیں،صدر پاسبان
بدھ 27 مئی 2020 18:10
(جاری ہے)
پاسبان ڈیموکریٹک پارٹی مہمت بوزداغ کے اس بیان کو سراہتی ہے کہ مسلمانوں کو نہ صرف سیاست اور تجارت میں بلکہ ثقافت اور فنون لطیفہ میں بھی مل جل کر کام کرنا چاہئے اورمسلم دنیا کے کاروباری افراد کوفون لطیفہ کے میدان میں سرمایہ کاری کا آغاز کرنا چاہئے۔
پاک ترک دونوں ملک مل کر مشترکہ ٹی وی چینل کا بھی آغاز کریں۔ترک ڈرامہ کے اداکاروں اوراسکرپٹ رائٹر کو پاکستان کے سرکاری دورے کی دعوت دی جائے۔ پاسبان پریس انفارمیشن سیل سے جاری کردہ بیان میں پاسبان کے چیئرمین الطاف شکور نے مزید کہا کہ مسلمانوں کو اپنا کھویا ہوا وقار اور نشاة ثانیہ حاصل کرنے کیلئے اپنے نوجوانوں کو اپنی تاریخ کے عظیم اوراق اورکرداروں سے روشناس کرانا ہو گا۔ گذشتہ کئی دہائیوں سے مسلم نوجوانوں کو ان کی تاریخ کے دھارے سے کاٹنے کی سازش پر عملدرآمد جاری ہے جس کے نتیجے میں مسلم ہیروز کو ولن کے طور پر پیش کر کے بابری مسجد ، کشمیر، بیت المقدس اور فلسطین کے تحفظ جیسے اہم ترین معاملات سے مسلم نوجوانوں کو علیحدہ رکھ دیا گیا ہے اور رہی سہی کسر کورونا وائرس کی تباہ کاریوں نے پوری کر دی ہے ۔اس وقت پاکستان میں بے مقصد اور لایعنی ٹی وی ڈراموں کی بھرمار ہے جن کے ذریعے حب الوطنی اور اسلاف سے محبت کے بجائے مسلم اذہان کنفیوژن کا شکار ہو رہے ہیں۔ان حالات میں عثمانیہ سلطنت کے تاریخی کردار ارطغرل غازی نوجوانوں کے دلوں میں امیدبھرے جذبات کے فروغ کی شاندار کرن بن کر سامنے آیا ہے۔ اس سلسلے کو جاری رکھنے کیلئے اس ڈرامے کے پروڈیوسر کی تجویز پر محب وطن پاک ترک رائٹرزاور پروڈیوسرز کو سنجیدگی سے غور کرنا چاہئیے۔قیام پاکستان کے مقاصد کی تکمیل اورکشمیر کی آزادی کے حصول کے لئے برصغیر کے مسلم نوجوانوں کو ہندوستان میں مسلمانوں کی آمد ، حملوں کے مقاصد اور فتوحات کے نتیجے میں مسلمانوں کی حکومتوں کے قیام کی پوری تاریخ سے روشناس کرانا ناگزیر ہو چکا ہے۔ پاسبان نے مہمت بوزداغ کے ان خیالات کو خراج تحسین پیش کیا کہ اگرچہ ترکی و پاکستان کی سرحدیں الگ الگ ہیں لیکن ان کی رو حیں ایک ہی قوم سے تعلق رکھتی ہیں۔ آج ہمیں اسلام اور عالم اسلام کے فن کو دوبارہ بیان کرنے کی ضرورت ہے کیونکہ یہ آرٹ اور تاریخ تاج محل سے لے کر الحمرا تک ایک مکمل آرٹ ہے اور آج، ہمیں پوری دنیا کو اسلام کی خوبصورت آواز سے روشناس کرانا ہے ۔مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
-
بشریٰ بی بی کی بنی گالہ سے اڈیالہ جیل منتقلی کی عدم پیروی پر خارج درخواست بحال
-
وزیر اعلیٰ خیبرپختونخواہ کی ہدایت پر روٹی/ نان کی قیمتوں میں بھی نمایاں کمی کردی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.