امریکہ، کینیڈا اور یورپ سے فیس ماسک کے آرڈر حاصل کرنے والے برآمد کنندگان کو مبارکباد دیتا ہوں،

مختلف اور نئی برآمدت کی طرف جانا ہماری حکمتِ عملی کا حصہ ہے، وزیراعظم کے مشیر برائے تجارت و ٹیکسٹائل عبد الرزاق دائود

جمعرات 28 مئی 2020 14:13

امریکہ، کینیڈا اور یورپ سے فیس ماسک کے آرڈر حاصل کرنے والے برآمد ..

اسلام آباد (اُردو پوائنٹ اخبارتازہ ترین - اے پی پی۔ 28 مئی2020ء) وزیراعظم کے مشیر برائے تجارت و ٹیکسٹائل عبد الرزاق دائود نے کہا ہے کہ مختلف اور نئی برآمدت کی طرف جانا ہماری حکمتِ عملی کا حصہ ہے جسے برآمدکندگان نے اپنی کاوشوں سے حاصل کیا ہے، امریکہ، کینیڈا اور یورپ سے فیس ماسک کی برآمد کے آرڈر ملنا اہم پیشرفت ہے۔

(جاری ہے)

جمعرات کواپنے ٹویٹ میں انہوں نے کہا کہ میری اطلاعات کے مطابق کچھ برآمد کنندگان کو امریکہ، کینیڈا اور یورپ سے فیس ماسک برآمد کرنے کے بڑے آرڈر ملے ہیں، یہ ایک اہم پیشرفت ہے اور اس کامیابی پر میں ان برآمد کنندگان کو مبارکباد دیتا ہوں۔

انہوں نے کہا کہ مختلف اور نئی برآمدات کی طرف جانا ہماری حکمت عملی کا حصہ ہے جسے برآمد کنندگان نے اپنی کاوشوں سے حاصل کیا۔ انہوں نے کہا کہ یہ معلومات دوسروں تک اس مقصد سے پہنچا رہے ہیں کہ ان کی حوصلہ افزائی ہو اور وہ دنیا کے مختلف حصوں سے مزید آرڈر حاصل کر سکیں۔