اسلام آباد کی خوبصورتی کو برقرار رکھنے کیلئے ہر ممکن کوشش کر رہے ہیں، شیخ انصر عزیز

جمعرات 28 مئی 2020 20:42

اسلام آباد ۔ (اُردو پوائنٹ اخبارتازہ ترین - اے پی پی۔ 28 مئی2020ء) میئر اسلام آباد شیخ انصر عزیز نے کہا ہے کہ پاکستان کے دارالحکومت کا شمار نہ صرف پاکستان، بلکہ دنیا کے خوبصورت ترین شہروں میں بھی کیا جاتا ہے اور ہم اس شہر کی خوبصورتی کو برقرار رکھنے کیلئے ہر ممکن کوشش کر رہے ہیں۔

(جاری ہے)

ان خیالات کا اظہار انہوں نے جمعرات کوگومل روڈ پارک ای سیون کے دورے کے موقع پر کیا ان کے ہمراہ اسسٹنٹ ڈائرکٹر انوائرمینٹ عابد حسین شاہ اور ترجمان ایم سی آئی سید محسن شیرازی بھی تھے میئر اسلام نے ڈائریکٹوریٹ آف انوائرمینٹ کو ہدایات دی ہیں کہ پارک کی خوبصورتی میں کسی قسم کی کوتاہی برداشت نہیں کی جائے گی پارک کی خوبصورتی کیلئے فوری اقدامات کیے جائیں کیونکہ اسلام آباد کا شمار دنیا کے خوبصورت شہروں میں ہوتا ہے اس لیے ہماری کوشش ہے کہ ہم اس کو مزید خوب صورت بنائیں انہوں نے کہا کہ جب اسلام آباد کے لوگ پارکوں میں آئیں تو ان کو ایم سی ائی کی طرف سے کی گئی محنت کا اندازہ ہو کہ کس طرح عملے نے دن رات ایک کر کے پارکوں کو خوبصورت بنایا ہے انہوں نے کہا کہ اللہ کے فضل سے ہم نے اس شہر کو خوبصورت اور بہتر بنانے کیلئے اپنا کردار ادا کیا ہے اور جب تک رہے محنت کرتے رہیں گے عید پر عملے کی چھٹیاں منسوخ کر پورے شہر کی صفائی کروائی گئی تھی اور جہاں پانی کے مسائل ہیں ان کو فوری طور پر حل کیا جارہا ہی.