مختلف اور نئی برآمدت کی طرف جانا ہماری حکمتِ عملی کا حصہ ہے،عبد الرزاق دائود

جمعرات 28 مئی 2020 22:00

اسلام آباد (اُردو پوائنٹ اخبارتازہ ترین - آن لائن۔ 28 مئی2020ء) وزیراعظم کے مشیر برائے تجارت و ٹیکسٹائل عبد الرزاق دائود نے کہا ہے کہ مختلف اور نئی برآمدت کی طرف جانا ہماری حکمتِ عملی کا حصہ ہے جسے برآمدکندگان نے اپنی کاوشوں سے حاصل کیا ہے ۔

(جاری ہے)

جمعرات کے روز سما جی رابطے کی ویب سائٹ ٹوئٹر پر اپنے ٹویٹ میں انہوں نے کہا کہ میری اطلاعات کے مطابق کچھ برآمد کنندگان کو امریکہ، کینیڈا اور یورپ سے فیس ماسک برآمد کرنے کے بڑے آرڈر ملے ہیں، یہ ایک اہم پیشرفت ہے اور اس کامیابی پر میں ان برآمد کنندگان کو مبارکباد دیتا ہوں۔

انہوں نے کہا کہ مختلف اور نئی برآمدات کی طرف جانا ہماری حکمت عملی کا حصہ ہے جسے برآمد کنندگان نے اپنی کاوشوں سے حاصل کیا۔ انہوں نے کہا کہ یہ معلومات دوسروں تک اس مقصد سے پہنچا رہے ہیں کہ ان کی حوصلہ افزائی ہو اور وہ دنیا کے مختلف حصوں سے مزید آرڈر حاصل کر سکیں۔