بین سٹوکس بھارت کی مشکوک شکست کے اپنے بیان سے مکر گئے

لاہور(اردو پوائنٹ تازہ ترین اخبار۔30مئی 2020ء ) بین سٹوکس اپنے بیان سے مکر گئے اور کہا ہے کہ میرے الفاظ کو توڑ مروڑ کر پیش کیا گیا۔ 28 سالہ انگلش آل راؤنڈر نے اپنی کتاب ’’آن فائر‘‘ میں کہا تھا کہ ورلڈ کپ 2019ء میں بھارتی کرکٹرز نے انگلینڈ کیخلاف جیت کیلیے کوشش نہیں کی، اس میچ میں شکست کی وجہ سے پاکستان ٹیم سیمی فائنل کی دوڑ سے باہر ہوگئی تھی۔

(جاری ہے)

بین سٹوکس نے شکوک کا اظہار ضرور کیا لیکن واضح طور پر کچھ نہیں کہا، ان کے اس بیان پر سابق پاکستانی کرکٹرز نے کہا کہ اس سے ہمارے ورلڈ کپ کے دوران ظاہر کیے جانے والے شکوک کی تصدیق ہوگئی، اب بین اسٹوکس نے اپنا دامن بچاتے ہوئے کہاکہ میرے بیان کو توڑ مروڑ کر پیش کیا گیا، میرا بات کہنے کا مطلب یہ نہیں تھا۔