اسلام آباد میں کورونا کی صورتحال سنگین، مریضوں کی تعداد 2120 تک پہنچ گئی، 23افراد جاں بحق ہوئے

ہفتہ 30 مئی 2020 16:47

اسلام آباد (اُردو پوائنٹ اخبارتازہ ترین - این این آئی۔ 30 مئی2020ء) وفاقی دارالحکومت اسلام آباد میں کورونا وباء کی صورت حال سنگین ہو گئی، مریضوں کی تعداد 2 ہزار 120 تک پہنچ گئی ،23 افراد جاں بحق ہو چکے ہیں۔

(جاری ہے)

ضلعی انتظامیہ کی جانب سے وزارت داخلہ کو دی گئی رپورٹ میں کہا گیا کہ کیسز کی تعداد 3 ہزار سے بڑھنے پر اسلام آباد کے ہسپتال صورت حال سے نمٹ نہیں سکیں گے، وفاقی دارلحکومت میں کل 90 وینٹی لیٹرز موجود ہیں جبکہ قرنطینہ سینٹرز میں بھی مزید گنجائش نہیں ہوگی، لاک ڈاون ممکن نہیں تو لوگوں کی جانیں بچانے کی طرف توجہ دینا ہوگی۔

رپورٹ میں کہا گیا کہ اسلام آباد کے صرف آئی 10 سیکٹر میں کورونا کے 157 پازیٹیو کیسز موجود ہیں، دوسرے شہروں کے آنے والے کورونا کے 63 مریض بھی اسلام آباد کے ہسپتالوں میں داخل ہیں۔