وزیراعظم نے آئندہ بجٹ میں ریلیف کے لیے خصوصی ہدایات دے دیں

صنعت، زراعت اور چھوٹے کاروبار کے استحکام کے لیے خصوصی اقدمات کیے جائیں، عمران خان

ہفتہ 30 مئی 2020 16:53

وزیراعظم نے آئندہ بجٹ میں ریلیف کے لیے خصوصی ہدایات دے دیں

اسلام آباد (اُردو پوائنٹ اخبارتازہ ترین - این این آئی۔ 30 مئی2020ء) وزیراعظم عمران خان نے آئندہ بجٹ میں ریلیف کے لیے خصوصی ہدایات دے دیں۔ میڈیارپورٹ کے مطابق عمران خان نے کہا کہ صنعت، زراعت اور چھوٹے کاروبار کے استحکام کے لیے خصوصی اقدمات کیے جائیں۔ایف بی آر ذرائع کے مطابق بجٹ میں صنعت، زراعت اور چھوٹے کاروبار کے لیے ٹیکسز اور ڈیوٹیز میں ریلیف دیا جائے گا۔

(جاری ہے)

درآمدی خام مال، مشینری اور زرعی آلات پر ریلیف دیا جائے گا اور ایڈیشنل کسٹم ڈیوٹی 3 فی صد کم کی جا سکتی ہے، خسارہ پورے کرنے کے لیے نان ٹیکس آمدن بڑھانے کا فیصلہ کیا گیا ہے جس سے 1100 ارب روپے کی آمدن متوقع ہے۔ذرائع کے مطابق بجٹ میں تاریخ کی سخت ترین کفایت شعاری مہم کا بھی اعلان ہوگا، وزارتوں اور محکموں میں نئی گاڑیاں اور ائیر کنڈیشنز کی خریداری اور دیگر پرتعیش اخراجات پر سخت پابندی عائد کرنے کی تجویز ہے