وزیراعلیٰ سے صوبائی وزیر قانون راجہ بشارت کی ملاقات،باہمی دلچسپی کے امور،سیاسی اور عمومی صورتحال پر تبادلہ خیال

ہفتہ 30 مئی 2020 17:58

لاہور۔ (اُردو پوائنٹ اخبارتازہ ترین - اے پی پی۔ 30 مئی2020ء) وزیراعلیٰ پنجاب سردار عثمان بزدار سے وزیراعلیٰ آفس میں صوبائی وزیر قانون راجہ بشارت نے ملاقات کی اورباہمی دلچسپی کے امور،سیاسی اور عمومی صورتحال پر تبادلہ خیال کیاگیا- پنجاب اسمبلی کے آئندہ بجٹ اجلاس کے حوالے سے بھی بات چیت ہوئی-وزیراعلیٰ عثمان بزدار نے اس موقع پر گفتگو کرتے ہوئے کہاکہ کورونا وبا کے باعث طرز زندگی بدل گیا ہے۔

(جاری ہے)

معمولات زندگی میں تبدیلی وقت کا تقاضہ ہے۔ سماجی طرز عمل میں تبدیلی کیلئے نئے قوانین متعارف کرانا ہوں گے۔پنجاب حکومت امتناع وباء آرڈیننس متعارف کراچکی ہے۔انہوں نے کہاکہ آرڈیننس کا مقصد وباء کے دوران حکومتی اقدامات پر موثر عملدرآمد یقینی بنانا ہے۔ ہنگامی صورتحال میں ہنگامی اقدامات کی ضرورت ہوتی ہے۔ انہوں نے کہاکہ پنجاب پہلا صوبہ ہے جس نے امتناع وباء آرڈیننس کا اجرائ کیا۔ٹڈی دل پر موثر کنٹرول کیلئے عملی اقدامات کئے ہیں۔