سانگھڑ میں پٹرول پمپ پر آسمانی بجلی گر گئی

بجلی گرنے کے باعث آگ بھڑک اٹھی، آگ کی زد میں آ کر 2 مزدور جاں بحق ہوگئے

محمد علی اتوار 31 مئی 2020 00:02

سانگھڑ (اُردو پوائنٹ اخبارتازہ ترین۔ 30 مئی2020ء) سانگھڑ میں پٹرول پمپ پر آسمانی بجلی گر گئی، بجلی گرنے کے باعث آگ بھڑک اٹھی، آگ کی زد میں آ کر 2 مزدور جاں بحق ہوگئے۔ تفصیلات کے مطابق سندھ کے شہر سانگھڑ میں ایک خوفناک واقعہ پیش آیا ہے۔ بتایا گیا ہے کہ سانگھڑ میں ایک پٹرول پمپ پر آسمانی بجلی گرنے کا واقعہ پیش آیا ہے۔

(جاری ہے)

پٹرول پمپ زیر تعمیر تھا اور اس کی چھت پر مزدور سو رہے تھے، جب آسمانی بجلی گرنے کا واقعہ پیش آیا۔

آسمانی بجلی گرنے کے باعث زیر تعمیر پٹرول پمپ پر آگ بھڑک اٹھی جس کی زد میں آ کر چھت پر سو رہے 2 مزدور بری طرح جھلس گئے۔ جھلس جانے والے مزدوروں کو فوری ہسپتال لے جایا گیا، تاہم تب تک وہ جان کی بازی ہار چکے تھے۔ یہاں واضح رہے کہ محکمہ موسمیات میں آئندہ روز کے دوران سندھ کے بیشتر علاقوں میں آندھی، طوفانی، موسلادھار بارش اور ژالہ باری ہونے کی پیشن گوئی کر رکھی ہے۔