روس جاسوسی کے الزام میں قید بیمار امریکی شہری کو رہا کرے،وزیرخارجہ مائیک پومپیو

اتوار 31 مئی 2020 12:45

واشنگٹن(اُردو پوائنٹ اخبارتازہ ترین - این این آئی۔ 31 مئی2020ء) امریکی وزیرخارجہ مائیک پومپیو نے ماسکو حکومت سے مطالبہ کیا ہے کہ وہ جاسوسی کے الزام میں قید ایک بیماری امریکی شہری کو رہا کرے۔

(جاری ہے)

غیرملکی خبررساں ادارے کے مطابق روس میں پچاس سالہ سابقہ امریکی میرین پاؤل وہیلن جاسوسی کے جرم میں قید ہیں۔ جمعرات کے روز پیٹ کے شدید درد پر ان کی سرجری بھی کی گئی تھی۔ پاؤل وہیلن بیک وقت امریکی، کینیڈین، آئرش اور برطانوی شہریت کے حامل ہیں۔ انہیں دسمبر 2018 میں خفیہ سرکاری دستاویزات رکھنے کے جرم میں حراست میں لیا گیا تھا۔