ہر قوم پر آزمائش ضرور آتی ہے‘ قومیں وہی عظیم ہوتی ہیں جو ان آزمائشوں کا مقابلہ کرتی ہیں‘ شہریار خان آفریدی

اتوار 31 مئی 2020 21:15

اسلام آباد ۔ (اُردو پوائنٹ اخبارتازہ ترین - اے پی پی۔ 31 مئی2020ء) کشمیر کمیٹی کے چیئرمین وزیر مملکت برائے انسداد منشیات وسرحدی امور شہریار خان آفریدی نے کہا ہے کہ ہر قوم پر آزمائش ضرور آتی ہے‘ قومیں وہی عظیم ہوتی ہیں جو ان آزمائشوں کا مقابلہ کرتی ہیں ‘ایک غیور وغیرت مند قوم ہونے کے ناطے کرونا کو شکست دیں گے۔

(جاری ہے)

اتوار کو سوشل میڈیا پر اپنے ویڈیو پیغام میں انہوں نے کہا کہ وزیراعظم کے ویژن کے مطابق پاکستان کو عظیم سے عظیم تر بنائیں گے۔

شہریار آفریدی نے کہا کہ میرا اور میری سات سالہ بیٹی کا کرونا وائرس ٹیسٹ مثبت آیا ہے جس کے بعد میں نے اپنے آپ کو گھر میں قرنطینہ کر لیا ہے۔ اللہ تعالیٰ کے فضل سے کرونا وائرس کو شکست دے کر صحت یاب ہوں گے۔ انہوں نے تمام اہل وطن کو جلد صحت یابی کے لیے دعا کی اپیل کی۔