جیکب آباد:منافع خوری عروج پر،گوشت 1000روپے، مرغی کا گوشت360روپے کلو فروخت ہونے لگا

شہری پریشان انتظامیہ کی مجرمانہ خاموشی سے عوام لٹنے لگی، کمشنر لاڑکانہ کا نوٹس لینے کا مطالبہ

پیر 1 جون 2020 22:34

جیکب آباد(اُردو پوائنٹ اخبارتازہ ترین - آن لائن۔ 01 جون2020ء) جیکب آباد میں منافع خوری عروج پر،گوشت 1000روپے اور مرغی کا گوشت360روپے کلو فروخت ہونے لگا،شہری پریشان انتظامیہ کی مجرمانہ خاموشی سے عوام لٹنے لگی تفصیلات کے مطابق جیکب آباد ضلع انتظامیہ کی مجرمانہ خاموشی کی وجہ سے منافع خوری عروج پر پہنچ گئی ہے دوکاندار من مانی کرکے عوام کو دیدہ دلیری سے لوٹ رہے ہیں جیکب آباد میں چھوٹے کا گوشت 1000روپے کلو اور مرغی کو گوشت 360روپے کلو فروخت کیا جا رہا ہے دوکانداروں کی منافع خوری اور مصنوعی مہنگائی کو کنٹرول کرنے کے لئے ضلع انتظامیہ کی جانب سے کوئی اقدمات نہیں کئے گئے لاک ڈائون کی ماری عوام مہنگائی سے بھی پریشا ن ہے جس کا کوئی پرسان حال نہیں ،شہری اشفاق احمد ،محرم علی اور دیگر نے احتجاج کرتے ہوئے کہا کہ افسران اپنے ٹھنڈے کمروں سے نکلنے کو تیار نہیں کورونا کے باعث انہیں ڈیوٹی نہ کرنے کا بہانہ مل گیا ہے دوکانداروں کی اس لوٹمار کو کون روکے گا کیا یہ ضلع انتظامیہ کی ذمہ داری نہیں ہے کمشنر لاڑکانہ اسکا نوٹس لیں ۔