کورونا سے صحت یاب ہونے والے جے یو آئی (ف) کے رکن قومی اسمبلی منیر خان اورکزئی کا دل کا دورہ پڑنے سے انتقال کر گئے

G اسلام آباد(آن لائن )کورونا سے صحت یاب ہونے والے جے یو آئی (ف) کے رکن قومی اسمبلی منیر خان اورکزئی کا دل کا دورہ پڑنے سے انتقال کر گئے،صدر مملکت ڈاکٹر عارف علوی سمیت دیگر سیاسی و سماجی شخصیات نے منیر خان اورکزئی کے انتقال پر گہرے رنج اور دکھ کا اظہار کرتے ہوئے دعا کی کہ اللہ تعالیٰ مرحوم کی روح کو جوار رحمت میں جگہ دے اور غمزدہ خاندان کو صبر جمیل عطا کرے۔تفصیلات کے مطابق جمیعت علمائے اسلام (ف) کے رہنما اور ضلع کرم سے رکن قومی اسمبلی منیر خان اورکزئی انتقال کر گئے۔منیر خان اورکزئی کو رات گئے دل کا دورہ پڑا جو جان لیوا ثابت ہوا۔ منیر خان کا 24 اپریل کو کورونا ٹیسٹ مثبت آیا تھا تاہم ایک ہفتہ قبل وہ صحت یاب ہوگئے تھے۔ ان کی نماز جنازہ آج بدھ کو سہ پہر تین بجے ضلع کرم میں ادا کی جائے گی۔منیر اورکزئی نی15 مئی کوقومی اسمبلی کے اجلاس میں شرکت کی تھی جس کے دوران ان کی طبیعت اچانک ناساز ہوگئی تھی اور ابتدائی طبی معائنے کے بعد انہیں ایمبولینس میں اسپتال منتقل کردیا گیا تھا۔ انہیں کچھ عرصے تک حیات آباد میڈیکل کمپلیکس پشاور میں وینٹی لیٹر پر بھی رکھا گیا تھا۔صدر مملکت ڈاکٹر عارف علوی سمیت دیگر سیاسی و سماجی شخصیات نے منیر خان اورکزئی کے انتقال پر گہرے رنج اور دکھ کا اظہار کرتے ہوئے دعا کی کہ اللہ تعالیٰ مرحوم کی روح کو جوار رحمت میں جگہ دے اور غمزدہ خاندان کو صبر جمیل عطا کرے۔ +(آصف محمود،مانیٹرنگ) *********** 02-06-2020/--217

منگل 2 جون 2020 23:00