تھانہ سول لائنز ڈویژن ،گذشتہ ہفتہ کے دوران مختلف جرائم میں ملوث139ملزمان گرفتار کر لیے گئے

بدھ 3 جون 2020 23:33

لاہور۔ (اُردو پوائنٹ اخبارتازہ ترین - اے پی پی۔ 03 جون2020ء) ڈی آئی جی آپریشنز لاہوررائے بابر سعید کی ہدایت پرسول لائنز ڈویژن پولیس کا جرائم پیشہ عناصر کے خلاف کریک ڈائون جاری ہے۔ ایس پی سول لائنز ڈویژن دوست محمد کی زیرِنگرانی سول لائنز ڈویژن پولیس نے اشتہاری و سنگین جرائم میں ملوث عناصر کے خلاف کارروائی کرتے ہوئے گذشتہ ہفتہ کے دوران مختلف جرائم میں ملوث139ملزمان گرفتار کر لیے۔

ڈکیتی ،چوری و راہزنی کی وارداتوں میں ملوث 1 گینگ کے 2 ملزمان کو گرفتارکر کے ان کے قبضہ سے 1 لاکھ 50 ہزار مالیتی مسروقہ سامان برآمد کیا گیا ۔

(جاری ہے)

ناجائز اسلحہ کے خلاف کارروائی کے دوران ملزمان کے قبضہ سی5پسٹلزاوردرجنوں گولیاںبرآمدکی گئیں۔منشیات کے خلاف کارروائی کرتے ہوئی14ملزمان کو گرفتار کر کے ان کے قبضہ سی1کلو گرام سے زائد چرس، 2کلو گرام بھنگ اور115 لیٹر شراب برآمد کی گئی۔

قمار بازوں کے خلاف کارروائی کرتے ہوئی5ملزمان کے قبضہ سے دائو پر لگی ہزارروں روپے ٹکڑی برآمد کی گئی۔چوری،دھوکادہی،چیک ڈس آنر امانت میں خیانت سمیت دیگر مقدمات میں مطلوب9 اشتہاری وعدالتی مجرمان کوگرفتار کیا گیا۔پتنگ بازی،ون ویلنگ،ہوائی فائرنگ،کرایہ داری ودیگرایکٹ کی خلاف ورزی پر83ملزمان کوبھی گرفتار کیاگیا۔