انڈیا کی بجائے بھارت نام رکھنے کے لیے سپریم کورٹ میں دائر درخواست خارج

ہم ایسا نہیں کرسکتے، آئین میں تو انڈیا پہلے سے ہی بھارت ہے،چیف جسٹس ایس اے بوبڈے

جمعرات 4 جون 2020 12:11

انڈیا کی بجائے بھارت نام رکھنے کے لیے سپریم کورٹ میں دائر درخواست خارج

نئی دہلی(اُردو پوائنٹ اخبارتازہ ترین - این این آئی۔ 04 جون2020ء) بھارتی سپریم کورٹ نے انڈیا کی جگہ بھارت نام رکھنیکے لیے دائر کی گئی عرضی خارج کردی۔عدالت عظمی نے یہ دلیل بھی مسترد کردی کہ لفظ انڈیا میں غلامی کی جھلک ملتی ہے جب کہ بھارت کے شبد سے قوم پرستی کا جذبہ پیدا ہوتا ہے۔

(جاری ہے)

دہلی کے ایک رہائشی نے سپریم کورٹ میں دائر اپنی عرضی میں گذارش کی تھی کہ بھارتی آئین کی دفعہ 1میں ترمیم کے لیے مناسب قدم اٹھاتے ہوئے لفظانڈیا کو ہٹاکر ملک کو بھارت یا ہندوستان کہنے کی وفاقی حکومت کو ہدایت دی جائے۔

بھارتی ٹی وی کے مطابق سپریم کورٹ کے چیف جسٹس ایس اے بوبڈے نے عرضی کو مسترد کرتے ہوئے کہاکہ ہم ایسا نہیں کرسکے۔ آئین میں تو انڈیا پہلے سے ہی بھارت ہے۔سپریم کورٹ نے گوکہ عرضی مسترد کردی تاہم عرضی گذار کو حکومت کی متعلقہ وزارتوں اور بالخصوص وزارت داخلہ، جو ناموں کو تبدیلی کرنے کی مجاز ہے، سے رابطہ کرنے کی اجازت دے دی۔