Live Updates

نوازشریف کی چائے پیتے ہوئے تصویر کو ایشو بنایا گیا. احسن اقبال

حکومت کی توجہ کورونا کو قابو کرنے پر نہیں بلکہ شہباز شریف پر ہے. نون لیگی راہنماءسے گفتگو

Mian Nadeem میاں محمد ندیم جمعرات 4 جون 2020 15:50

نوازشریف کی چائے پیتے ہوئے تصویر کو ایشو بنایا گیا. احسن اقبال
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔04 جون۔2020ء) مسلم لیگ( ن) کے رہنما احسن اقبال نے کہا ہے کہ حکومت کی توجہ کورونا کو قابو کرنے پر نہیں بلکہ شہباز شریف پر ہے‘مسلم لیگ نون کے مرکزی رہنما احسن اقبال نے نجی ٹی وی کے پروگرام میں بات کرتے ہوئے کہا کہ قومی احتساب بیورو (نیب) نے عدالتی فیصلے کا انتظار کیے بغیر عجلت سے کام لیا قائد حزب اختلاف شہباز شریف نیب چھاپے کے وقت گھر پر نہیں تھے.

انہوں نے کہا کہ عدالت نے گزشتہ روز سڑکوں پر سے رکاوٹیں ہٹانے کا کہا تھا لیکن حکومت کی توجہ کورونا کو قابو کرنے پر نہیں بلکہ شہباز شریف پر ہے نواز شریف اور شہباز شریف عدالتوں میں پیش ہوتے رہے ہیں احسن اقبال نے کہا کہ شہباز شریف کی خواہش تھی کہ عدالت سماعت اسکائپ پر کرے کیونکہ ملک میں کورونا کے باعث نیشنل ایمرجنسی ہے اور حکومت کا کام نظر نہیں آ رہا.

انہوں نے کہا کہ ہمیں آنے والے بجٹ کو نظر انداز نہیں کرنا چاہیے کیونکہ یہ معمولی بجٹ نہیں ہے حکومت نے ملکی معیشت تباہ کی اور اب ان کو کورونا کا بہنانہ مل گیا۔

(جاری ہے)

20 لاکھ نوجوان ہر سال مارکیٹ میں روزگار کے لیے آتا ہے. راہنما مسلم لیگ نون نے کہا کہ حکومت کی ناکام پالیسیوں کی وجہ سے سرمایہ کاری بند ہو گئی ہے لوگوں نے ملک سے پیسہ اٹھا لیا اور وہ سرمایہ کاری کے لیے تیار نہیں ہیں کیونکہ سرمایہ کار خود کو ملک میں غیر محفوظ سمجھتا ہے‘سوشل میڈیا پر وائرل ہونے والی نواز شریف کی تصویر پر انہوں نے کہا کہ نواز شریف کی تصویر کو ایشو بنایا گیا حالانکہ وہ ماسک کے بغیر چاہے پی رہے تھے انہوں نے کہا کہلاک ڈاﺅن میں سختی یا نرمی کے حوالے سے حکومت اب بھی الجھن کا شکار ہے قومی اسمبلی اجلاس میں شہباز شریف ضرور شرکت کریں گے.


Live وزیراعظم شہباز شریف سے متعلق تازہ ترین معلومات