ملائیشیا کے تجارتی حجم میں اپریل کے دوران 16.4 فیصد کمی،3.5 ارب رنگٹ خسارہ

جمعہ 5 جون 2020 15:25

کوالالمپور (اُردو پوائنٹ اخبارتازہ ترین - اے پی پی۔ 05 جون2020ء) ملائیشیا کے تجارتی حجم میں اپریل کے دوران 16.4 فیصد کمی جبکہ3.5 ارب رنگٹ خسارہ ہوا،ماہ کے دوران برآمدات میں 23.8 فیصد جبکہ درآمدات میں 8 فیصد کمی ریکارڈکی گئی۔

(جاری ہے)

وزارت برائے بین الاقوامی تجارت و صنعت کی جانب سے جاری بیان کے مطابق ملک کی بین الاقوامی تجارت کا حجم اپریل کے دوران 2019 ء کے اسی ماہ کے مقابلے میں 16.4 فیصد کم ہوکر 133.34 ارب رنگٹ رہا جس کی وجہ کورونا لاک ڈائون کے باعث بین الاقوامی سپلائی چین متاثر ہونا ہے۔ماہ کے دوران ملکی برآمدات کا حجم 64.92 ارب رنگٹ (15.17 ارب ڈالر) رہا جو سالانہ بنیادوں پر 23.8 فیصد کم ہے،درآمدی حجم 8 فیصد کمی کے ساتھ 68.42 ارب رنگٹ جبکہ تجارتی خسارہ 3.5 ارب رنگٹ رہا۔