سپیکرقومی اسمبلی کے صحت یاب ہوکر اجلاس کی صدارت کے لئے ایوان میں آنے پر ممبران کی مبارکباد

جمعہ 5 جون 2020 19:26

اسلام آباد ۔ (اُردو پوائنٹ اخبارتازہ ترین - اے پی پی۔ 05 جون2020ء) سپیکرقومی اسمبلی کے صحت یاب ہوکر اجلاس کی صدارت کے لئے ایوان میں آنے پر ممبران نے ان کو مبارکباد دی۔

(جاری ہے)

جمعہ کو قومی اسمبلی میں اظہار خیال کرتے ہوئے خواجہ محمد آصف، ڈاکٹر بابر اعوان،سابق وزیر اعظم راجہ پرویز اشرف، مولانا اسعد محمود، مولانا عبد الاکبر چترالی اور وفاقی وزیر غلام سرور خان نے سپیکر قومی اسمبلی اسد قیصر کو کرونا وائرس سے صحت یاب ہوکر ایوان کی صدارت کے لئے آنے پر انہیں مبارکباد دی اور اس وائرس سے پوری قوم کو محفوظ رکھنے کی اللہ سے دعا کی۔