شہبازشریف لوگوں کی ذاتیات پر بیان باز ی کر نے کے بجائے اپنی کرپشن کا جواب دیں ، شہبا ز گل
شہباز شریف اپنے مفرو ر بھائی کے ضامن ہیں اس حوالے سے عدالت جائینگے ،عمران خان نہ تو خود کرپٹ ہیں اور نہ ہی کسی کو کرپشن کرنے دیتے ہیں ،پیپلز پارٹی کے بیشتر سرکردہ رہنمائوں پر کرپشن کے سنگین الزامات ہیں،ان کو حساب دینا ہوگا ،وزیراعظم پورٹل پر 22 لاکھ شکایات موصول ہو چکی ہیں، آئندہ وزیراعظم سیٹیزن پورٹل کی ماہانہ رپورٹ پیش کریں گے، تاحال بے پناہ اہمیت کی حامل 28 ہزار 118 شکایات کا ازالہ نہیں ہو سکا جن میں سب سے زیادہ شکایات سندھ کے اداروں کے بارے ہیں، میڈیا سے گفتگو
جمعہ 5 جون 2020 21:55
(جاری ہے)
انہوں نے کہاکہ آج میری پریس کانفرنس کا بنیادی مقصد وزیراعظم کی سیٹیزن پورٹل کے بارے میں عوام کو معلومات فراہم کرنا ہے۔
اب تک پورٹل پر 21 لاکھ شکایات موصول ہو چکی ہیں جن میں 94 فیصد سے زائد ملکی شہریوں، 5.5 فیصد شکایات اوورسیز پاکستانیوں اور 0.32 فیصد شکایات غیر ملکیوں نے کی ہیں۔ پورٹل پر شکایت موصول ہونے کے بعد اسے 21 دن کے اندر حل کرنے کی کوشش کی جاتی ہے اور پورٹل پر ساڑھے 7 ہزار محکموں کے خلاف شکایات کی جاتی ہیں اور یہ 21 دن کے اندر حل نہ ہوں تو متعلقہ محکموں کو الرٹ جاری کیا جاتا ہے اور انہیں 41 دن کے اندر شکایات کا ازالہ کرنے کا ٹائم دیا جاتا ہے اگر 41 دن کے اندر بھی شکایات کا ازالہ نہ ہو تو ان کو بے پناہ اہمیت کا حامل قرار دیا جاتا ہے۔ انہوں نے کہاکہ اب تک موصول ہونے والی شکایات میں سے 28 ہزار 118 شکایات کو بے پناہ اہمیت کا حامل (سپر ایسکیلیٹڈ) قرار دیا گیا ہے۔ جن میں سے خیبرپختونخوا سے 1557، پنجاب سے 2065، بلوچستان سے 583، وفاقی دارالحکومت سے 5086 موصول ہوئیں مگر سندھ سے انتہائی اہمیت کی حامل شکایات 17096 ہیں جن میں 6 ہزار شکایات وفاقی اداروں کے خلاف جبکہ باقی تمام شکایات سندھ کے اداروں کے خلاف ہیں۔ انہوں نے کہاکہ اگر اب تک ہم 10 غیر مطمئن اداروں کے بارے میں بتائیں تو ان میں 8 اداروں کا تعلق صوبہ سندھ سے ہے اور اگر ایسے اداروں کے بارے میں بتائیں جن سے عوام مطمئن ہیں تو ان میں سندھ کے ایک ادارہ بھی شامل نہیں ہے۔ ڈاکٹر شہباز گل نے کہاکہ شہباز شریف کی طرف سے چینی کے حوالہ سے روزانہ نئے بیانات سامنے آتے ہیں، میں انہیں بتا دینا چاہتا ہوں کہ چینی پر 29 ارب کی دی جانے والی سبسڈی میں سے 27 ارب آپ نے دی ہے اور شہباز شریف کو یہ بھی بتا دینا چاہتا ہوں کہ نیب میں کرامت مسیح آپ کا منتظر ہے، اس کے اکائونٹ میں آپ نے جو رقوم ٹرانسفر کرائیں تھی وہ جا کر وصول کریں اور میاں شہباز شریف کا بیٹا، بھتیجا، داماد اور بھائی کا سمدھی مفرور ہیں اور آپ نے بھائی کو بھی 50 روپے کے اشٹام پر مفرور کرایا ہے اور آپ عدالت میں ان کے ضامن بنے ہیں۔ انہوں نے کہاکہ ہم اس حوالہ سے عدالت میں بھی جائیں گے تاکہ میاں نواز شریف کو نہ صرف وطن واپس لایا جائے بلکہ اس کے ضامن بھائی سے بھی جواب طلبی کی جائے۔ انہوں نے کہا کہ شریف فیملی سے منی ٹریل کا جب بھی پوچھا جاتا ہے تو وہ جواب دینے کی بجائے دیگر بیانات شروع کر دیتے ہیں۔ شہباز گل نے کہاکہ عمران خان نہ تو خود کرپٹ ہیں اور نہ ہی کسی کو کرپشن کرنے دیتے ہیں اور شریف فیملی کو حساب دینا ہوگا۔رکن قومی اسمبلی صداقت عباسی نے کہاکہ زرداری خاندان اور اس کے حواریوں نے سندھ میں کرپشن کا بازار گرم کر رکھا ہے۔ مراد علی شاہ، ڈاکٹر عاصم، شرجیل میمن، آصف علی زرداری، بلاول بھٹو سمیت کئی لوگ کرپشن کنگ بن چکے ہیں اور وزیراعظم سیٹیزن پورٹل پر سب سے زیادہ شکایات سندھ کے اداروں کے بارے میں ہیں۔مزید اہم خبریں
-
ہیلری کلنٹن کیساتھ کام کرنے پر ملالہ یوسف زئی کو تنقید کا سامنا
-
190 ملین پاؤنڈز کیس: عمران خان کی درخواست ضمانت پر سماعت 29 اپریل تک ملتوی
-
پاکستان الیکٹرک گاڑیوں ں تیاری میں اپنی صلاحیتوں کو بڑھانے کے لیے بین الاقوامی کمپنیوں کے ساتھ تعاون کوفروغ دے رہا ہے، رپورٹ
-
پاکستان اور ایران کا آزاد تجارتی معاہدے کو جلد حتمی شکل دینے، دوطرفہ تجارت پانچ سال میں 10 ارب ڈالر تک بڑھانے پر اتفاق ، ایران کے صدر ڈاکٹر سیّد ابراہیم رئیسی کے دورے کے اختتام پر مشترکہ بیان جاری
-
تاجروں کا معاشی استحکام کیلئے وزیراعظم کو عمران خان سے بات چیت کا مشورہ
-
غزہ کے لیے امداد، عارضی امریکی بندرگاہ کی تعمیر کا آغاز بہت جلد
-
عمران خان نے سنی اتحاد کونسل کے سربراہ حامد رضا کو پبلک اکاﺅنٹس کمیٹی کے چیئرمین کے عہدے کے لیے نامزد کردیا
-
پاکستان کی چینی کاروباری اداروں کو پاکستان میں سرمایہ کاری کی دعوت
-
وزیرقانون کی بین الاقوامی پارلیمنٹرین کانگریس کے وفد سے ملاقات،وزیر قانون کو تنظیم کے کام اور مشن بارے آگاہ کیا
-
وزیراعظم نے مختلف شعبوں میں نمایاں کارکردگی دکھانے والے نوجوانوں سے مزار قائد پر پاکستان کی خدمت کرنے کا حلف لیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کیلئے ڈیجیٹل ٹولز کا استعمال ضروری ہے، جام کمال خان
-
چیئرمین سینیٹ سے امریکی سفیر کی ملاقات، دوطرفہ تعلقات پر گفتگو
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.