نیشنل پروڈکٹیویٹی آرگنائزیشن کی طرف سے پیشہ ور افراد کی صلاحیتوں کو بڑھانے کیلئے آن لائن پروگرام کا آغاز

اسلام آباد (اُردو پوائنٹ اخبارتازہ ترین - آن لائن۔ 05 جون2020ء) وزارت صنعت و پیداوار کے ذیلی ادارے نیشنل پروڈکٹیویٹی آرگنائزیشن (NPO)نے پیشہ ور افراد کی صلاحیتوں کو بڑھانے کے لئے آن لائن پروگرام شروع کیے ہیں،آن لائن پروگرامز سے صنعت ،زراعت،پبلک سیکٹر اور خدمات کے شعبے میں کام کرنے والے ماہرین استفادہ کر سکتے ہیں آن لائن پروگرام کا مقصد کووڈ19 کے پھیلاؤ کو روکے کے ساتھ ساتھ مختلف شعبوں میں کام کرنے والے باصلاحیت افرادکو ایک پلیٹ فارم فراہم کرنا ہے۔

تفصیلات کے مطابق وزارت صنعت و تجارت کے ذیلی ادارے نیشنل پراڈکٹیویٹی آرگنائزیشن(این پی او) نے ایشین پراڈکٹویٹی آرگنائزیشن کے تعائون سے آن لائن پروگرامز کا سلسلہ شروع کردیا ہے یہ آن لائن پروگرامز COVID-19 کے ذریعہ پیدا ہونے والی موجودہ صورتحال کی وجہ سے رکاوٹوں اور دیگر مسائل کو کم کرنے میں معاون ثابت ہوں گی اور اس سے تخلیق اور استعمال اور نئے علم کے اشتراک پر منفی اثر کو بھی کم کیا جا. ئیگاا اس مقصد کے حصول کے لیے اے پی او، ٹوکیو، جاپان اور پاکستان انجینئرنگ کونسل (پی ای سی) اور فاطمہ جناح خواتین یونیورسٹی کراچی سمیت مقامی اسٹیک ہولڈرز کے تعاون سے نیشنل پروڈکٹیوٹی آرگنائزیشن (این پی او) نے کثیر اثر اور اس کے اثرات کو تیز تر بنانے کے لئے نالج مینجمنٹ پر ایک پروگرام کا انعقاد کیا آن لائن سیشن کے دوران برطانیہ سے تعلق رکھنے والے بین الاقوامی ماہر، مسٹر رون ینگ نے بھی اہم موضوع پر اظہار خیال کرتے ہوئے کہا کہ تنظیموں کے لئے علم پر مبنی نتائج میں مہارت حاصل کرناضروری ہے انہوں نے نالج ڈرائیوڈ اکانومی میں یوکے حکومت کے وائٹ پیپر‘یوکے مسابقت کی تیاری میں کردار ادا کیا ہے۔

(جاری ہے)

مسٹر ارسیونی بوانا، پروگرام آفیسر۔ ممبر کنٹری سروس ڈویڑن، ملک، نظامت، ایشین پروڈکٹی آرگنائزیشن، ٹوکیو، جاپان نے NPO پاکستان کی کاوشوں کو بے حد سراہا انہوں نے ایسے نئے آن لائن ٹریننگ سیشن کو نئے موضوعات پر پیش کرنے کی پیش کش کی اور مقامی اسٹیک ہولڈرز سے مشاورت کے بعد این پی او پاکستان جلد ہی اے پی او جاپان کے ساتھ اہم ترین موضوعات شیئر کرے گاآن لائن سیشن میں صنعتی شعبے، اکیڈمیا، سرکاری اور نجی تنظیموں کے 224 شرکا نے شرکت کی سیشن کے دوران خیالات کا اظہار کرتے ہوئے چیف ایگزیکٹو آفیسر، نیشنل پروڈکٹیویٹی آرگنائزیشن (این پی او)محمد عالمگیر چوہدری نے کہا کہ اے پی او ممبر معیشتوں کو تبدیل کرنے میں اہم کردار ادا کررہا ہے اور اس نے متعدد پروگرام متعارف کرائے ہیں ان پروگرامات سے صنعت، پبلک سیکٹر زراعت اور خدمات کے شعبوں میں زبردست تبدیلی لائی جاسکتی ہے۔

انہوں نے اے پی او ٹیم، این پی او ٹیم ممبران اور اسٹیک ہولڈرز خصوصا پاکستان انجنینر نگ کونسل کی کوششوں کو سراہا۔اعجاز خان