شہباز شریف کے عوام کی آنکھوں میں دھول جھونکنے کا دور گیا،

موجودہ اپوزیشن لیڈر نورا کشتی کرتے ہوئے زرداری کو سڑکوں پر گھسیٹنے کی بڑھکیں لگا کر عوام کو بے وقوف بنالیا کرتے تھے،وزیراعظم کے معاون خصوصی برائے سیاسی ابلاغ ڈاکٹر شہباز گل کا اپوزیشن لیڈر شہباز شریف کے ٹویٹ کے ردعمل میںٹویٹ

بدھ 1 جولائی 2020 13:30

شہباز شریف کے عوام کی آنکھوں میں دھول جھونکنے کا دور گیا،

اسلام آباد (اُردو پوائنٹ اخبارتازہ ترین - اے پی پی۔ 01 جولائی2020ء) وزیراعظم کے معاون خصوصی برائے سیاسی ابلاغ ڈاکٹر شہباز گل نے اپوزیشن لیڈر شہباز شریف کے ٹویٹ کے ردعمل میں کہا ہے کہ اپوزیشن رہنما شہباز شریف کے عوام کی آنکھوں میں دھول جھونکنے کا دور گیا،جب آپ نورا کشتی کیا کرتے تھے اور زرداری کو سڑکوں پر گھسیٹنے کی بڑھکیں لگا کر عوام کو بے وقوف بنالیا کرتے تھے۔

(جاری ہے)

بدھ کو سماجی رابطوں کی ویب سائٹ ٹوئٹر پر اپنے پیغام میں انہوں نے کہا کہ ماضی میں پاکستان تحریک انصاف کی خیبر پختونخوا کی حکومت کے بارے میں بھی یہی خیال تھا آپکا،تاریخ میں پہلی بار متواتر دوسری بار اور دوتہائی اکثریت ملی تھی صوبہ خیبر پختونخوا میں۔ اپنے ایک اور ٹویٹ میں خواجہ آصف کے ٹویٹ کے ردعمل میں کہا ہے کہ مسلم لیگ ( ن) کے رہنمائوں کی پالیسیاں آاج ہم اور پاکستان کے غریب عوام بھگت رہے ہیںلہذا خواجہ آصف قومی اداروں کی بات کرتے ہوئے تھوڑی سی تو شرم کریں۔