ولادیمیر پیوٹن کے لیے 2036ء تک روس کا صدر رہنے کا راستہ صاف ہو گیا

روس کے عوام نے پارلیمنٹ کی جانب سے منظور کردہ آئینی اصلاحات توثیق کی مہر لگا دی، پیوٹن 2036 ء تک روس کے صدر رہ سکیں گے

کامران حیدر اشعر جمعرات 2 جولائی 2020 08:34

ماسکو (اردو پوائنٹ اخبار تازہ ترین۔ 02 جولائی 2020ء) ولادیمیر پیوٹن کے لیے 2036ء تک روس کا صدر رہنے کا راستہ صاف ہو گیا۔ روس کے عوام نے پارلیمنٹ کی جانب سے منظور کردہ آئینی اصلاحات پر توثیق کی مہر لگا دی، پیوٹن 2036 ء تک روس کے صدر رہ سکیں گے۔ تفصیلات کے مطابق روس کے عوام نے ملکی پارلیمنٹ سے منظورہ کردہ آئینی اصلاحات کی توثیق کر دی ہے جس کے بعد ولادیمیر پیوٹن کے لیے آئندہ 2036ء تک روس کا صدر رہنے کی راہ ہموار ہو گئی ہے۔

(جاری ہے)

میڈیا رپورٹس کے مطابق روس کی پارلیمنٹ کے دونوں ایوانوں نے روسی صدر ولادیمیر پیوٹن کے صدارت کے عہدہ صدارت کی مدت کو صفر کرنے، ہم جنس پرستوں کی شادی سمیت دیگر اصلاحات پر مشتمل آئینی ترامیم کی منظوری دے دی ہے۔

یہاں یہ بات قابل غور ہے کہ اس ساری صورت حال کے باوجود صدر پیوٹن کی یہ خواہش تھی کہ ان معاملات پر عوامی رائے بھی جانی جائے۔ واضح رہے کہ حزاب اختلاف نے آئینی ترامیم پر ووٹنگ کو روسی صدر کی جانب سے تاحیات صدر رہنے کی کوشش بھی قرار دیا ہے۔