Live Updates

وزیر خارجہ مخدوم شاہ محمود قریشی سے رکن قومی اسمبلی ثناء الله مستی خیل اور سابق صوبائی وزیر خیبرپختونخوا سمیع الله علیزئی کی ملاقات

ملک میں کورونا وباء اور موجودہ ملکی سیاسی صورتحال پر تبادلہ خیال کیا گیا

جمعرات 2 جولائی 2020 16:47

وزیر خارجہ مخدوم شاہ محمود قریشی سے رکن قومی اسمبلی ثناء الله مستی ..
اسلام آباد (اُردو پوائنٹ اخبارتازہ ترین - اے پی پی۔ 02 جولائی2020ء) پاکستان تحریک انصاف کے وائس چیئرمین و وزیر خارجہ مخدوم شاہ محمود قریشی سے ممبر قومی اسمبلی ثناء الله مستی خیل و سابق صوبائی وزیر خیبرپختونخوا سمیع الله علیزئی نے جمعرات کو وزارت خارجہ میں ملاقات کی۔ ملاقات کے دوران ملک میں کورونا وباء اور موجودہ ملکی سیاسی صورتحال پر تبادلہ خیال کیا گیا۔

وزیر خارجہ نے کہا کہ کورونا وباء کے پھیلاؤ کو روکنے کیلئے ٹائیگر فورس کو یونین کونسل اور وارڈ کی سطح پر متحرک کرنے کا فیصلہ کیا گیا ہے۔

(جاری ہے)

انہوں نے کہا کہ وزیراعظم عمران خان کی ہدایات کی روشنی میں تحریک انصاف کے ممبران پارلیمنٹ اپنے اپنے حلقوں میں کورونا ریلیف ٹائیگر فورس کی معاونت و نگرانی کریں تاکہ سمارٹ لاک ڈاؤن پر عملدرآمد کے ذریعے کورونا وباء کے پھیلاؤ کو مؤثر انداز میں روکا جا سکے۔

تحریک انصاف کے دونوں رہنماؤں نے مقبوضہ جموں و کشمیر میں جاری انسانی حقوق کی خلاف ورزیوں کو عالمی سطح پر اجاگر کرنے اور بہترین خارجہ پالیسی اپنانے پر وزیر خارجہ کو مبارکباد پیش کی۔ دونوں پارٹی رہنماؤں نے وزیر خارجہ کو کورونا وباء کے پھیلاؤ کو روکنے اور اس حوالہ سے پارٹی ہدایات کی پاسداری کرنے کی یقین دہانی کرائی۔
Live پاکستان تحریک انصاف سے متعلق تازہ ترین معلومات