شاہد آفریدی اوران کے اہل خانہ کورونا وائرس سے صحت یاب

قومی ٹیم کے سابق کپتان، ان کی اہلیہ اور بیٹیوں میں کورونا وائرس کی تشخیص ہوئی تھی

ذیشان مہتاب جمعرات 2 جولائی 2020 19:34

کراچی (اردو پوائنٹ تازہ ترین اخبار۔2جولائی 2020ء ) سابق کپتان اور سپر سٹار کرکٹر شاہد آفریدی اور ان کے اہل خانہ کورونا وائرس سے صحت یاب ہوگئے۔ اپنے ٹویٹ میں شاہد خان آفریدی نے کہا کہ ’’اہلیہ، بیٹیوں اقصی ، انشاء اور میرا کرونا وائرس کا ٹیسٹ جو پہلے مثبت آیا تھا ،اللہ کا شکر ہے کہ اب ہم اس وائرس سے چھٹکارا پا چکے ہیں۔

(جاری ہے)

ان کا کہنا تھا کہ میں مسلسل نیک خواہشات کے اظہار اور دعاؤں کرنے والوں کا شکر گزار ہوں اور آپ کی اور آپ کے اپنوں کی خیریت کے لیے دعا گو ہوں۔

شاہد آفریدی نے گود میں بچے کو اٹھائے تصویر بھی ٹوئٹ کی اور ساتھ ہی لکھا کہ میں اس لمحے کو بہت مِس کررہا تھا، اب خاندان کی زندگی معمول پر آگئی ہے‘‘۔