شہر قائد میں مون سون کی پہلی بارش ،شہریوں کے چہرے کھل اٹھے ،مختلف علاقوں میں بجلی غائب
مون سون کے پہلے اسپیل میں 2 روز تک بارش کا امکان ہے جو بدھ کی صبح تک جاری رہے گی اور اس دوران شہر کا درجہ حرارت 39 ڈگری تک جاسکتا ہے،محکمہ موسمیات
پیر 6 جولائی 2020 17:48
(جاری ہے)
ابر رحمت برستے ہی بچے اور بڑے سڑکوں پر نکل آئے اور بارش سے خوب لطف اندوز ہوئے۔
کراچی کے مختلف علاقوں لانڈھی، ملیر، گلشن اقبال، گلستان جوہر سمیت میں تیز ہواؤں اور آندھی کے ساتھ ہلکی اور تیز بارش کا سلسلہ جاری رہا۔محکمہ موسمیات کے مطابق مون سون کا سسٹم کراچی میں داخل ہو گیا ہے جو شہر کے جنوب مشرقی علاقے میں موجود ہے۔محکمہ موسمیات نے کراچی سمیت سندھ بھر میں موسلا دھار بارش سے اربن فلڈنگ کا خطرہ ظاہر کیا ہے۔محکمہ موسمیات بارشوں کا سلسلہ ستمبر کے آخر تک برقرار رہے گا اور شہر میں مون سون کے کئی اسپیل بارش کا سبب بنیں گے۔شہر میں پیر کو زیادہ سے زیادہ درجہ حرارت 39 ڈگری سینٹی گریڈ ریکارڈ کیا گیا۔ڈائریکٹر میٹ کراچی سردار سرفراز نے گفتگو کرتے ہوئے کہا کہ مون سون کے پہلے اسپیل میں 2 روز تک بارش کا امکان ہے جو بد ھ کی صبح تک جاری رہے گی اور اس دوران شہر کا درجہ حرارت 39 ڈگری تک جاسکتا ہے۔انہوں نے کہا کہ 2 روز کے دوران کراچی میں 30سے 40 ملی میٹر تک بارش کا امکان ہے البتہ شہر میں 50 ملی میٹر بارش ہونے کی صورت میں سیلابی صورت حال پیدا ہو سکتی ہے۔ادھر بجلی کی ترسیل کے خراب انفراسٹرکچر کے باعث لوڈشیڈنگ سے ستائے کراچی کے عوام اب مزید خوفزدہ ہیں۔حسب روایت بارش سے قبل اور آغاز کے ساتھ ہی شہر کے بیشتر علاقے بجلی سے محروم ہوگئے ہیں۔دوسری جانب کراچی میں بارش کی پیش گوئی کے بعد کرنٹ لگنے سے لوگوں کی جان جانے کا خطرہ ظاہر کیا گیا ہے۔واضح رہے کہ دو دن قبل بھی محکمہ موسمیات نے پیش گوئی کی تھی کہ سندھ میں مون سون بارشوں کا سسٹم مضبوط ہو گا۔مزید موسم کی خبریں
-
لاہور میں سورج کی تپش سے گرمی کا زور بڑھ گیا
-
ملک کے بالائی علاقوں میں چند مقامات پر گرج چمک کے ساتھ ہلکی بارش کا امکان ہے، محکمہ موسمیات
-
محکمہ موسمیات خیبرپختونخوا کی آئندہ ہفتے بارشوں اور برفباری کی پیشن گوئی
-
کراچی میں سردی کی لہر برقرار، درجہ حرارت 10ڈگری سینٹی گریڈ ریکارڈ
-
لاہور سمیت پنجاب کے مختلف علاقوں میں ہلکی بارش سے موسم خوشگوار
-
محکمہ موسمیات کی آئندہ ہفتہ شہر لاہور میں بارش کی پیش گوئی
-
25 فروری کو آنے والے سسٹم کے زیراثرکراچی میں بھی بارش کا امکان
-
ملک کے بالائی، وسطی علاقوں میں 17 سے 21 فروری تک بارشوں کی پیشگوئی
-
لاہور سمیت پنجاب بھر میں موسلادھار بارش سے سردی میں اضافہ
-
31جنوری سے 4فروری تک بارش اورپہاڑوں پر برف باری پیشگوئی
-
ہفتہ کے روز سے ملک کے بیشتر علاقوں میں بارش کی توقع
-
کراچی دنیا کے آلودہ ترین شہروں میں سرفہرست، ایئرکوالٹی انڈیکس 241ریکارڈ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.