برطرف جج ارشد ملک کا جوڈیشل سروس ٹربیونل سے رجوع کرنے کا فیصلہ

پیر 6 جولائی 2020 20:26

لاہور(اُردو پوائنٹ اخبارتازہ ترین - آن لائن۔ 06 جولائی2020ء) سابق وزیر اعظم میاں محمد نواز شریف کو سزا سنانے والے جج ارشد ملک نے برطرفی کے بعد ساتھی ججوں اور وکلا سے مشاورت مکمل کرلی، عہدے پر بحالی کیلئے جوڈیشل سروس ٹربیونل سے رجوع کرنے کا فیصلہ کرلیا۔ میڈیا رپورٹس کے مطابق برطرفی کا نوٹیفکیشن ملتے ہی ارشدملک ہائیکورٹ کے جوڈیشل سروس ٹربیونل میں اپیل کریں گے۔

(جاری ہے)

سروس ٹربیونل سے ریلیف نہ ملنے کی صورت میں ارشد ملک نے سپریم کورٹ سے بھی رجوع کریں گے ۔واضح رہے کہ برطرف جج ارشد ملک نے نواز شریف کو العزیزیہ ریفرنس میں 7 سال قید کی سزا سنائی تھی۔ اسلام آباد ہائیکورٹ نے متنازع ویڈیو منظرعام پر آنے کے بعد 22 اگست 2019ء کو احتساب عدالت کے جج ارشد ملک کو عہدے سے ہٹا دیا تھا جبکہ لاہور ہائی کورٹ کی انتظامی کمیٹی نے تمام شواہد کو مد نظر رکھنے ہوئے ارشد ملک کو ان کے عہدے سے برطرف کر دیا تھا