ایران کے پاکستان کے ساتھ اچھے تعلقات ہیں، ایرانی وزیرخارجہ

امریکا اور اسرائیل کے شر سے ایران کے دوست بھی محفوظ نہیں، جواد ظریف کا پارلیمنٹ سے خطاب

منگل 7 جولائی 2020 15:59

ایران کے پاکستان کے ساتھ اچھے تعلقات ہیں، ایرانی وزیرخارجہ

تہران (اُردو پوائنٹ اخبارتازہ ترین - این این آئی۔ 07 جولائی2020ء) ایران کے وزیر خارجہ جواد ظریف نے کہا ہے کہ ان کے پاکستان کے ساتھ اچھے تعلقات ہیں، امریکا اور اسرائیل کے شر سے ایران کے دوست بھی محفوظ نہیں۔ ایران خطے میں ایران کے دوستوں پراپنے مفادات کے لیے دبائو ڈال رہا ہے۔

(جاری ہے)

میڈیارپورٹس کے مطابق ایرانی پارلیمنٹ کے اجلاس سے خطاب میں انہوں نے کہا کہ ایران کے پڑوسی اور دوست ممالک روس، ایران، آذر بائیجان، عراق اور پاکستان کے ساتھ اچھے تعلقات قائم ہیں۔

انہوں نے مزید کہا کہ امریکا ایرانی عوام اور ایرانی نظام کو ایک دوسرے سے دور کرنے کی سازش کررہا ہے۔ انہوں نے امریکا کے سابق مشیر جون بولٹن کی کتاب کا حوالہ دیا جس میں بولٹن نے دعوی کیا کہ امریکا ایرانی عوام اور حکومت کے درمیان پھوٹ ڈالنے کی کوشش کررہا ہے۔