توشہ خانہ ریفرنس ، آصف علی زر داری کے وارنٹ گرفتاری ارسال جاری کر دیئے گئے

منگل 7 جولائی 2020 16:30

اسلام آباد (اُردو پوائنٹ اخبارتازہ ترین - این این آئی۔ 07 جولائی2020ء) احتساب عدالت کی جانب سے توشہ خانہ ریفرنس میں سابق صدر اور پاکستان پیپلز پارٹی کے شریک چیئرمین آصف علی زرداری کے وارنٹِ گرفتاری قومی احتساب بیورو (نیب) کو ارسال کر دیئے گئے۔

(جاری ہے)

آصف علی زرداری کے 50 ہزار روپے کے ضمانتی مچلکوں کے ساتھ قابلِ ضمانت وارنٹِ گرفتاری جاری کیے گئے ہیں۔احتساب عدالت کی جانب سے اپنے حکم میں کہا گیا کہ آصف زرداری عدالت میں پیش نہیں ہو رہے، ان کے قابلِ ضمانت وارنٹِ گرفتاری تعمیل کے لیے بھجوائے جا رہے ہیں۔عدالت کی جانب سے حکم دیا گیا کہ آصف زرداری 50 ہزار کے ضمانتی مچلکے اور ایک ضامن پیش کریں، بصورت دیگر آصف زرداری کو گرفتار کر کے عدالت میں پیش کیا جائے۔