اسلام آباد سے کینیڈا کے شہر ٹورنٹو پہنچنے والا قومی ایئر لائن کا فضائی میزبان لاپتہ

فضائی میزبان یاسر کے خلاف ضابطے کی کارروائی کی جائے گی، انتظامیہ پی آئی اے

منگل 7 جولائی 2020 16:30

اسلام آباد (اُردو پوائنٹ اخبارتازہ ترین - این این آئی۔ 07 جولائی2020ء) اسلام آباد سے کینیڈا کے شہر ٹورنٹو پہنچنے والا قومی ایئر لائن کا فضائی میزبان لاپتہ ہو گیا۔ذرائع کے مطابق فلائٹ اسٹیورڈ یاسر پی آئی اے کی فلائٹ پی کے 781 سے ٹورنٹو پہنچا تھا کہ امیگریشن ہونے کے بعد اچانک ہوٹل سے غائب ہو گیا۔

(جاری ہے)

ذرائع کے مطابق کینیڈا کے اسٹیشن منیجر نے ایئر پورٹ اتھارٹی کو فضائی میزبان اسٹیورڈ یاسر کے غائب ہونے کی اطلاع دے دی ہے۔

پی آئی اے کی انتظامیہ کا کہنا ہے کہ فضائی میزبان یاسر کے خلاف ضابطے کی کارروائی کی جائے گی۔پی آئی اے انتظامیہ کی جانب سے کینیڈین امیگریشن اتھارٹی کو بھی یاسر سے متعلق آگاہ کر دیا گیا ہے۔پی آئی اے کی انتظامیہ کا کہنا ہے کہ فضائی میزبان جنرل ڈکلیئریشن پر کینیڈا جاتے ہیں، واپسی پر ایک بندے کی کمی پر کینیڈین امیگریشن کو اطلاع کرنا لازمی تھا۔