اسلام آباد سمیت بالائی پنجاب ،بالائی خیبرپختونخوا ،گلگت بلتستان اورکشمیر میں آندھی اورگرج چمک کے ساتھ بارش کا امکان ہے، محکمہ موسمیات

بدھ 8 جولائی 2020 12:13

اسلام آباد (اُردو پوائنٹ اخبارتازہ ترین - اے پی پی۔ 08 جولائی2020ء) محکمہ موسمیات نے کہاہے کہ آئندہ 24 گھنٹوں کے دوران اسلام آباد سمیت بالائی پنجاب ،بالائی خیبرپختونخوا ،گلگت بلتستان اورکشمیر میں آندھی اورگرج چمک کے ساتھ بارش کا امکان ہے جبکہ ملک کے بیشتر وسطی اور جنوبی علاقوں میں موسم گرم اور مرطوب رہے گا۔

(جاری ہے)

محکمہ موسمیات کے مطابق گذشتہ 24 گھنٹوںکے دوران اسلام آباد ،بالائی پنجاب، سندھ ، خیبرپختونخواہ اور کشمیر میں آندھی اورگرج چمک کے ساتھ بارش ہوئی۔

سب سے زیادہ بارش کشمیر، راولاکوٹ 8 ، کوٹلی 5 پنجاب، اسلام آباد 12 ، گولڑہ 9 ، بوکرا 4، راولپنڈی 10 ، فیصل آباد ایک ، خیبر پختونخواہ، دورش 8 ، دیر 4 ، پتن 3 ، کالام 2 سندھ، کراچی لانڈھی ، جناح ٹرمینل 2 اور، گلشن جدید ایک ملی میٹر بارش ریکارڈ کی گئی جبکہ ملک کے دیگر علاقوں میں موسم گرم اور مرطوب رہا۔سب سے زیادہ درجہ حرارت، موہنجوداڑ46 تربت،جیکب آباد44ڈگری سینٹی گریڈ ریکارڈ کیا گیا۔