برہان وانی کی شہادت پر کل جماعتی حریت کانفرنس آزاد کشمیر شاخ کا مظاہرہ
بدھ 8 جولائی 2020 21:10
(جاری ہے)
انہوں نے کہا کہ برہان واانی کی شہادت کے بعد تحریک آزادی نے ایک نیا موڑ لیا اور مقبوضہ علاقے کی طرف عالمی برادری کی توجہ میں اضافہ ہو گیا۔
انہوں نے کہا کہ بھارت تحریک آزادی کشمیر کو دبانے کیلئے طاقت کا بے تحاشا استعمال کر رہا ہے لیکن وہ اپنے مذموم مقصد میں کبھی کامیاب نہیں ہو گا۔ حریت رہنمائوں نے کہا کہ کشمیری اپنے عظیم شہداء کے مقدس مشن کی تکمیل تک اپنی جدوجہد جاری رکھیں گے۔ انہوں نے بھارتی فوجیوں کے ہاتھوں حالیہ دنوں کے دوران شہید ہونے والے نوجوانوں کو شاندار خراج عقیدت پیش کیا۔ انہوںنے مقبوضہ علاقے کے مسلم اکثریتی تشخص کو بگاڑنے کیلئے بھارتی ہندوئوں کو کشمیر کے ڈومیسائل جاری کرنے کی مذمت کرتے ہوئے کہا کہ اس مذموم بھارتی اقدام کے خلاف عالمی سطح پر مہم تیز کی جائے گی اور اقوام متحدہ کے اگلے سالانہ سیشن کو اعداد وشمار کی روشنی میں اس حوالے سے آگاہ کیا جائے گا۔ مظاہرے میں دیگر کے علاوہ نثار مرزا، راجہ خادم حسین ، شمیم شال ، عبدالمجید ملک ، حاجی محمد سلطان ، عدیل مشتاق وانی، نذیر احمد کرناہی، اشتیاق حمید، عبدالمجید میر ، امتیاز اقبال وانی ، ایڈووکیٹ پرویز احمد شاہ، شیخ محمد یعقوب ، منظور الحق بٹ، مشتاق احمدبٹ، محمد شفیع ڈار زاہد صفی، میر طاہر مسعود، سلیم ہارون، سید کفایت رضوی، حسن البناء، سید یوسف نسیم ، سید مشتاق، شوکت علی لون، گلشن احمد اور شیخ عبدالمتین نے شرکت کی۔دریں اثنا میر واعظ عمر فاروق کی سربراہی میں قائم حریت فوم کی آزاد کشمیر شاخ کے کنوینر سید فیض نقشبندی نے اسلام آباد میں ایک بیان میں شہید برہان وانی کو شاندار خراج عقیدت پیش کرتے ہوئے کہا کہ کشمیری شہداء نے اپنی جانیں حق خود ارادیت کے حصول کیلئے قربان کی ہیں اور انکی قربانیاں ایک روز ضرور رنگ لائیں گی۔ انہوں نے کشمیریوں سے کہا کہ وہ چوکس رہیں اور اپنی جائیدادیں غیر کشمیریوں کو ہرگز فروخت نہ کریں۔ انہوں نے عالمی برادری پر زور دیا کہ وہ مقبوضہ علاقے کی ابتر صورتحال کی طرف توجہ دے۔ کل جماعتی حریت کانفرنس آزاد کشمیر شاخ کے رہنما اور جموںوکشمیر ایمپلائیز موومنٹ کے نائب چیئرمین نے بھی ایک بیان میں کہا ہے کہ برہان وانی نے تحریک آزادی کو ایک نیا موڑ دیا۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.