کورونا پر قابو پانے کیلئے عوام کا تعاون ناگزیر ہے، ڈاکٹر شاہد صد یق

جمعرات 9 جولائی 2020 15:35

لاہور(اُردو پوائنٹ اخبارتازہ ترین - اے پی پی۔ 09 جولائی2020ء) تر جمان پنجاب حکومت وچیئر مین لاہور ٹرانسپور ٹ کمپنی ڈاکٹر شاہد صد یق خان نے کہاہے کہ کوروناکی صورتحال سے معاشی عدم استحکام پیدا ہوا،کورونا کے باعث تعلیمی اداروں، شادی ہالوں اور سینما گھروںکو بند رکھنے کا فیصلہ عوام کے مفاد میں ہے،ہر مقام پرعوام کورونا وائرس سے نمٹنے کیلئے حکومتی اقدامات کا بھرپور ساتھ دیں۔

(جاری ہے)

اپنے جاری بیان میں انہو ں نے کہاکہ کورونا پر قابو پانے کیلئے عوام کا تعاون ناگزیر ہے،سماجی فاصلے برقرار رکھنے سے ہی بیمار ی کا پھیلاوکم ہوگا۔ انہوں نے کہا کورونا ہماری زندگیوں میں آچکا ہے، اب احتیاط سے ہی زندگی بسرکرنا ہوگی۔ پی ٹی آئی حکومت کو عوام کی صحت سب سے زیادہ عزیز ہے، ہر وہ اقدام کر رہے ہیں جس سے بیماری کا پھیلاو کم سے کم ہو۔ انہو ں نے کہاکہ کورونا وائر س کی مو جود گی میں عوام کو اشیا خورونوش کی مقررہ قیمتوں پر فراہمی انتظامیہ کی اولین ذمہ داری ہے اور اس سلسلے میں کسی قسم کی کوتاہی ہر گز برداشت نہیں کی جارہی۔ موجودہ حالات میں عوام کے ساتھ کھڑے ہیں اور کھڑے رہیں گے۔