نیوزی لینڈ کرکٹ نے سوفی ڈیوائن کو مستقل کپتان نامزد کر دیا

آکلینڈ (اُردو پوائنٹ اخبارتازہ ترین - اے پی پی۔ 10 جولائی2020ء) نیوزی لینڈ کرکٹ نے سوفی ڈیوائن کو قومی خواتین کرکٹ ٹیم کی مستقل کپتان نامزد کر دیا ہے۔ ڈیوائن نے ایمی سٹرتھویٹ کی جگہ یہ قدم تب اٹھایا تھا جب ایمی سٹرتھویٹ نے 2019ء کے وسط میں زچگی کی چھٹی پر جانے کا فیصلہ کیا تھا۔ 30 سالہ ڈیوین کو رواں سال جنوری میں ویمنز ٹی 20 ورلڈ کپ میں بھی خواتین ٹیم کا کپتان نامزد کیا گیا تھا، جہاں کیویز خواتین ٹیم نئی گروپ لینڈ مرحلے سے باہر ہو گئی تھی۔

سٹرتھویٹ اب ڈیوائن کی نائب کی حیثیت سے واپس آئیں گے۔سوفی ڈیوائن نے قومی خواتین ٹیم کی قیادت سونپنے پر نیوزی لینڈ کرکٹ کا شکریہ ادا کیا۔سوفی ڈیوائن نے کہا کہ وائٹ فرنز کی جگہ کپتانی سے نوازا جانا میرے لئے بہت بڑا اعزاز ہے۔

(جاری ہے)

سوفی ڈیوائن نے کہا کہ گذشتہ سیزن میں کپتان کی حیثیت سے میں اس وقت سے خوب لطف اندوز ہوئی تھی، لیکن بعض اوقات یہ نتائج کے حساب سے بہت چیلنجنگ تھا۔

انہوں نے کہا کہ ہم اپنی کرکٹ اور اپنی ٹیم کی ثقافت دونوں کی حیثیت سے صحیح سمت میں گامزن ہیں۔سوفی ڈیوائن نے کہا کہ میں ایمی سٹرتھویٹ کے ساتھ بہت زیادہ کام کرنے کی منتظر ہوں جس کا ایک غیر معمولی کرکٹنگ دماغ ہے اور مجھے لگتا ہے کہ ہم ایک گروپ کی طرح ساتھ مل کر مضبوط قیادت کی شراکت قائم کرسکتے ہیں۔نیوزی لینڈ ٹیم کے ہیڈ کوچ باب کارٹر نے سوفی ڈیوین کی قیادت کو ٹیم کے حق میں بہتر قرار دیا ہے۔

سوفی ڈیوائن ٹی 20 ورلڈ کپ کے میچز میں جنوبی افریقہ کی طرف سے 72 ، 54 * ، 61 ، 77 اور 105 رنز بنا کر نمایاں رہیں، جو ٹی ٹونٹی کرکٹ میں مسلسل 50 سے زیادہ رنز بنانے والی پہلی کھلاڑی ہیں۔ انہوں نے سری لنکا کے خلاف 75 رنز کے ساتھ ناقابل شکست انداز میں اپنی مہم کا آغاز کیا تھا۔ وہ گذشتہ سال ڈبلیو بی بی ایل میں بھی شاندار فارم سے لطف اندوز ہوئیں تھیں اور وہ 130.33 کی اوسط سے 769 رنز اور بائولنگ میں 19 وکٹوں کے ساتھ سیزن کی بہترین کھلاڑی قرار پائیں۔

سوفی ڈیوین اب فروری تا مارچ 2021ء میں کھیلے جانے والے ورلڈ کپ میں نیوزی لینڈ کی قیادت کریں گی۔ہیڈ کوچ باب کارٹر نے مزید کہا کہ سوفی ڈیوین ایک مضبوط رہنما ہیں اور کھیل میں انکا ایک اپنا انداز ہے اور وہ اپنی ٹیم کی کھلاڑیوں سے خوب واقف ہیں۔ انہوں نے کہا کہ یہ رہنما کی حیثیت سے ان کی صلاحیت کا ثبوت ہے کہ گذشتہ موسم گرما میں عمدہ بیٹگ کارکردگی نے انکو ایک نئی سطح پر پہنچیا ہے۔

وہ اپنی اعلی کارکردگی سے آگے بڑھتی ہے اور ٹیم ان کے قائدانہ انداز کا بھرپور جواب دیتی ہے۔امی سٹرتھویٹ کی بچے کی پیدائش کے بعد کرکٹ میں واپسی ہوئی ہے اور وہ واقعی میں بہت ترقی کر رہی ہیں۔ سوفی ڈیوائن کے تجربے ، علم اور قیادت سے ٹیم کو فائدہ ہو گا۔وبائی مرض سے وقفے کے بعد نیوزی لینڈ ٹیم کی پہلی سیریز رواں سال ستمبر کے آخر میں آسٹریلیا کا محدود اوورز کا دورہ ہوگا، جس میں نیوزی لینڈ کی ٹیم تین ون ڈے اور تین ٹی ٹونٹی میچز کی سیریز کھیلے گی۔