Live Updates

وفاقی وزیر غلام سرور کیخلاف اثاثہ جات کیس میں اہم پیشرفت ،نیب کو غلام سرور خان کے اثاثوں کی تفصیلات موصول

اتوار 12 جولائی 2020 19:35

اسلام آباد (اُردو پوائنٹ اخبارتازہ ترین - این این آئی۔ 12 جولائی2020ء) وفاقی وزیر ہوا بازی غلام سرور خان کیخلاف اثاثہ جات کیس میں اہم پیشرفت ہو ئی ہے ۔محکمہ ریونیو راولپنڈی نے غلام سرور خان کے اثاثوں کا ریکارڈ نیب کے حوالے کردیا۔وفاقی وزیر غلام سرور، انکی اہلیہ اور بچوں کی زرعی، کمرشل اور رہائشی جائیدادوں کا ریکارڈ پیش کیا گیا۔

(جاری ہے)

نیب نے ایف بی آر اور الیکشن کمیشن سے غلام سرور خان کا ریکارڈ لینے کا فیصلہ کیا ہے۔

نیب ذرائع کے مطابق تمام اداروں سے ریکارڈ ملنے کے بعد غلام سرور خان کے اثاثوں کا تقابلی جائزہ لیا جائے گا۔خیال رہے کہ غلام سرور خان قومی اسمبلی کے حلقے این اے 59 راولپنڈی 3 سے تحریک انصاف کے ٹکٹ پر رکن منتخب ہوئے ہیں اور اس وقت کابینہ میں وفاقی وزیر برائے ہوا بازی ہیں۔اس سے قبل بھی وہ مختلف ادوار میں وفاق اور صوبہ پنجاب میں وزیر رہ چکے ہیں۔
Live پاکستان تحریک انصاف سے متعلق تازہ ترین معلومات