13جولائی 1931 کو شروع ہونیوالی جدوجہد آزادی اب اپنے منطقی انجام کو پہنچنے والی ہے، ممبر آزادکشمیر اسمبلی اسد علیم شاہ

پیر 13 جولائی 2020 18:16

ہٹیاں بالا (اُردو پوائنٹ اخبارتازہ ترین - این این آئی۔ 13 جولائی2020ء) ممبر آزادکشمیر اسمبلی اسد علیم شاہ نے کہا کہ 13جولائی 1931 کو شروع ہونیوالی جدوجہد آزادی اب اپنے منطقی انجام کو پہنچنے والی ہے، ڈوگرہ حکمرانوں نے 13جولائی 1931 کو سرینگر میں مسلمانوں کو دبانے کی جو کوشش کی اور 22نوجوانوں کو اذان کی تکمیل کے دوران شہید کیا وہ شہادتیں اور اسلام کو دبانے کو کوششیں بھارت اور ڈوگرہ سامراج کے گلے کی ہڈی بن گئیں، کشمیریوں نے 1931 میں جو جدوجہد شروع کی وہ آج پوری آب و تاب سے نہ صرف جاری ہے بلکہ اب کشمیریوں کے خون کے صدقے آزادی کی نعمت ملنے والی ہے، بھارتی سرکار نے کشمیر میں اپنے تمام تر ہتھکنڈے آزما لیے ہیں مگر کشمیریوں کے جذبہ آزادی کوسرد نہیں کرسکا، کشمیری عوام آج 13جولائی 1931 کے شہداء کو خراج عقیدت پیش کرتے ہوئے اس عزم کا عہد کرتے پیں کہ شہداء کے خون کو رائیگاں نہیں جانے دینگے بلکہ منزل آزادی کے حصول تک اپنی جدوجہد جاری رکھیں گے۔