تحریک لبیک یارسولﷺ پاکستان کے وجود میں آتے ہی مخالفین کی نیندیں حرام ہوگئی ہیں، علامہ رضی حسینی

منگل 14 جولائی 2020 16:26

x کراچی(اُردو پوائنٹ اخبارتازہ ترین - آن لائن۔ 14 جولائی2020ء) تحریک لبیک یارسولﷺ پاکستان کراچی ڈویڑن کے امیر علامہ رضی حسینی نے ضلع ملیر و غربی میں ورکرز کنوینشن سے خطاب کرتے ہوئے کہا کہ تحریک لبیک یارسولﷺ پاکستان کے وجود میں آتے ہی مخالفین کی نیندیں حرام ہوگئی ہیں اور جنہیں خاتم النبیین ﷺ ادا کرنا نہیں آتا وہ بھی ریاست مدینہ کا لیبل لگا کر میدان میں آگئے لیکن کام وہی ہے جس کا ایجینڈا لیکر وہ سیاست میں آئے تھے۔

پاکستان میں جتنی بھی سیاسی جماعتیں ہیں انکو پریشانی صرف تحریک لبیک پاکستان سے ہے کیونکہ یہ جانتے ہیں کہ ہم علامہ اقبال کا نظریہ رکھتے ہیں۔ الحمدللہ تحریک لبیک پاکستان وہ واحد سیاسی و مذہبی پارٹی ہے جسے میڈیا بلیک آوٹ کے باوجود تقریباً 23 لاکھ ووٹ ملے۔

(جاری ہے)

ہم پر میڈیا بلیک آوٹ کیوں ہے ہمارے سوشل میڈیا اکاؤنٹ بلاک کردئیے جاتے ہیں کیا پاکستان میں اظہار آزادی رائے کا قانون صرف میرا جسم میری مرضی والوں کے لیے ہے۔

مزید علامہ رضی حسینی نے کارکنان کو مخاطب کرتے ہوئے کہا کہ الحمدللہ قائد ملت اسلامیہ علامہ خادم حسین رضوی صاحب کی ہدایت پر لاک ڈاؤن میں ہم نے ضلع غربی میں 20 ہزار اور ضلع ملیر میں ساڑھے آٹھ ہزار گھرانوں میں راشن تقسیم کیے اس کے علاوہ بھی راشن تقسیم کا سلسلہ کراچی کے دیگر اضلاع میں بھی جاری رہا اور ہم تنظیمی امور کو مزید بہتر سے بہتری کی طرف لے کر جار رہے ہیں ان شائ اللہ عزوجل بلدیاتی انتخابات میں بھرپور انداز سے حصہ لیں گی