آئینی طور ہر فیصلے پارلیمنٹ میں نہیں تو کیا راجہ بازار میں ہوں، قائد ایوان سینیٹر شہزاد وسیم نے اپوزیشن کے اعتراضات کو مسترد کر دیئے
منگل 14 جولائی 2020 16:27
(جاری ہے)
بیرسٹر محمد علی سیف نیقومی مالیاتی کمیشن میں ترمیم کا بل پیش کرنے کے لیے تحریک پیش کی۔ بل پر بحث میں حصہ لیتے ہوئے پی پی پی کی سینیٹر شیری رحمان نے کہا کہ حکومت کی جانب سے اٹھارہویں ترمیم پر شب خون مارنے کی کوشش کی جارہی ہے، اس وقت حکومتی بنچوں سے پارلیمنٹ پر حملہ کیا جارہا ہے۔
پاکستان پیپلز پارٹی کے سینیٹر رضا ربانی نے کہاکہ پاکستان کی اشرافیہ کی جنگ یہی رہی ہے کہ تمام ملکی وسائل پر اسلام آباد کا قبضہ برقرار رہے۔انہوںنے کہاکہ اگر اٹھارہویں ترمیم پر نظرثانی کی بات کرنی ہے تو ہم تمام ٹیکس صوبوں کی جمع کرنے کے مطالبہ سے بات شروع کریں گے ۔سینیٹر میر کبیر شاہی نے کہا کہ اگر اٹھارویں ترمیم کو چھیڑا گیا تو اس کے نتائج مثبت نہیں آئے گے۔ سینیٹر عثمان خان کاکڑ نے کہاکہ اٹھارہویں ترمیم نے صوبوں کو حقوق دئے ہیں کسی کی غلامی نہیں مانیں گے۔ ہمیں کسی بھی حالت میں صدارتی نظام منظور نہیں ۔سینیٹر مشاہداللہ خان نے حکومت کو آڑے ہاتھوں لیا اور کہاکہ ملک میں صدارتی نظام کی باتیں کس لیے ، صدارتی نظام نے اس ملک کے ٹکڑے کردئیے، آپ سلیکٹڈ ہیں اور انگلی پر سوار ہوکر آئے ہیں، پہلے اپنا گھر درست کریں چھ چھ وزیراعظم گھوم رہے ہیں اور بات کر رہے ہیں صدارتی نظام کی ۔سینیٹرمولانا غفور حیدری اور سینیٹر مولانا عطا الرحمان نے بھی اٹھارہویں ترمیم کو چھیڑنے کی مخالفت کی اور کہا کہ اگر ایسا کیا گیا تو ملک کے لیے خطرناک ہوگا۔حکومتی ارکان نے مولانا عطا الرحمان کی جانب سے فوج پر تنقید پر اعتراض کیا۔بیرسٹر سیف اور مولانا عطاء الرحمن کے درمیان سخت جملوں کا تبادلہ بھی ہوا۔سینیٹ میں قائد ایوان سینیٹر شہزاد وسیم نے اپوزیشن کے اعتراضات کو مسترد کرتے ہوئے کہا کہ آئینی طور ہر فیصلے پارلیمنٹ میں نہیں تو کیا راجہ بازار میں ہوں۔ اپوزیشن ایشوز سے نہ بھاگے اور اٹھارہویں ترمیم سمیت دیگر امور پر دلیل سے بات کرے۔ انہوں نے اس معاملہ پر ہول کمیٹی کا اجلاس بلانے کی تجویز بھی دی۔ بیرسٹر سیف نے وضاحت کی کہ ان کے بل کا مقصد اٹھارہویں ترمیم کو رول بیک کرنا ہرگز نہیں ، میں نے تو کمزور صوبوں کی بات کی ہے۔ کثرت رائے سے بل پیش کرنے کی تحریک مسترد کردی گئی۔ بل کی حمایت میں 17 اور مخالفت میں 25 ووٹ آئے،بعد میں سینیٹ کا اجلاس بدھ کی شام چار بجے تک ملتوی کردیا گیا۔مزید قومی خبریں
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
سرکاری لیبارٹریز نے ڈینگی مریضوں کی تشخیص بند کر دی
-
اسلام آباد کے شہریوں کے لئے شروع کئے جانے والے ہائوسنگ کے منصوبوں کو ترجیحی بنیادوں پر مکمل کیا جائے گا ، کسی قسم کی کوتاہی برداشت نہیں کی جائے گی ،ریاض پیرزادہ
-
فیصل آباد سے پتوکی اپنے سسرال آئے شخص نے خود کو فائر مارکر خودکشی کرلی نعش ہسپتال پتوکی منتقل
-
ملتان: تندور مالکان نمایاں مقامات پر 100 گرام روٹی کی قیمت 15 روپے آویزاں کریں، ڈپٹی کمشنر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.