افغانستان، دہشت گردوں کی بزدلانہ کارروائی ،مسجد پر فائرنگ سے چار نمازی شہید، تین زخمی

منگل 14 جولائی 2020 20:59

کابل (اُردو پوائنٹ اخبارتازہ ترین - آن لائن۔ 14 جولائی2020ء) افغانستان کے شمالی صوبہ فاریاب میں مسلح طالبان کی ایک مسجد پر فائرنگ کے نتیجے میں چار نمازی جاں بحق اور تین زخمی ہو گئے ۔

(جاری ہے)

غیر ملکی خبر رساں ادارے کے مطابق صوبائی پولیس کے ترجمان عبد الکریم یوراش نے بتایا کہ "طالبان گروپ سے وابستہ عسکریت پسندوں نے صوبہ فاریاب کے صوبائی دارالحکومت میمنا شہر میں ایک مسجد پر اچانک اندھا دھند فائرنگ کی جس کے نتیجے میں چار نمازی جاں بحق اور تین دیگر زخمی ہوگئے۔" ترجمان نے مزید کہا کہ حملہ آور حملے کے بعد ایک کار لے کر فرار ہوگئے تھے لیکن انہیں قریب کی پولیس نے روک لیا۔