یوم الحاق پاکستان کے سلسلے میںکل جماعتی حریت کانفرنس آزاد کشمیر شاخ کے زیر اہتمام اسلام آباد میں گول میز کانفرنس کا اہتمام کیاگیا
کشمیری عوام نے قرارداد الحاق پاکستان کے ذریعے اپنے مستقبل کا تعین کیا تھا،کشمیریوں نے قرارداد الحاق پاکستان کو منظورکرکے اپنے جذبات اور احساسات کی ترجمانی کی اور اپنے آپ کو مملکت خداداد پاکستان کے ساتھ وابستہ کیا،مقررین بھات مقبوضہ کشمیر میں ایک سازش کے تحت کشمیریوں کی نسل کشی ،انسانی حقو ق کی خلاف ورزیاں اور آبادی کا تناسب تبدیل کررہا ہے،عالمی برادری بھارت کو جارحانہ اقدامات سے روکے،حریت رہنمائوں کا خطاب
پیر 20 جولائی 2020 10:01
(جاری ہے)
مقررین نے کہاکہ کشمیری عوام گزشتہ 73سال سے نہ صرف آزادی کے لیے بلکہ بقائے پاکستان اور تحفظ پاکستان کی جنگ لڑ رہے ہیںاور اس مقصد کے لیے کشمیریوں کی کئی نسلوںنے قربانیاں دی ہیں۔
حریت رہنمائوں نے کہاکہ بھارت نے جموںوکشمیر پر غاصبانہ اور ناجائز قبضہ کررکھا ہے۔ بھارت کے 9لاکھ سے زائد فوجی کشمیریوں کا جذبہ حریت اور پاکستان کے ساتھ کشمیریوں کی محبت اور وابستگی کو ختم نہیں کرسکے۔ گول میز کانفرنس میں مقبوضہ جموںوکشمیر میں قابض بھارتی فوج کے ہاتھوں بے گناہ کشمیریوں کے قتل اور پرامن مظاہرین پر طاقت کے وحشیانہ استعمال کو بھارتی ریاستی دہشت گردی کی بدترین مثال قراردیا گیااور قابض فوج کی طرف سے آئے روز انسانی حقوق کی پامالیوں اور جنگ بندی لائن کی مسلسل خلاف ورزیوں پر تشویش کا اظہار کیاگیا۔ حریت رہنمائوں نے کہاکہ بھارت مقبوضہ کشمیر میں ایک سازش کے تحت کشمیریوں کی نسل کشی ،انسانی حقو ق کی خلاف ورزیاں اور آبادی کا تناسب تبدیل کررہا ہے۔ انہوںنے عالمی برادری پر زوردیا کہ وہ بھارت کو جارحانہ اقدامات سے روکے۔ کانفرنس میں آزادی کے لئے اپنی جانوں کا نذرانہ پیش کرنے والے اورقیدوبند کی صعوبتیں برداشت کرنے والے حریت پسند رہنمائوں اور کارکنوں کو سلام پیش کرتے ہوئے تجدید عہد کیاگیا کہ کشمیری تکمیل پاکستان ،شہداء کے مشن اور حصول حق خودارادیت تک اپنی جدوجہد ہر حال میں جاری رکھیں گے۔ آخر پر استحکام پاکستان ، شہدائے پاکستان اور شہدائے کشمیر کے لئے دعا کی گئی۔ کانفرنس میں محمد حسین خطیب، محمد فاروق رحمانی، شیخ عبدالمتین، شمیم شال، عبدالمجید ملک، سید مشتاق، مشتاق احمد بٹ،نذیر کرنائی ، امتیاز اقبال وانی، عبدالمجید میر، ایڈوکیٹ پرویز احمد شاہ، شیخ محمد یعقوب، نثار مرزا، اشتیاق حمید، راجہ خادم حسین، منظور الحق بٹ ، الطاف حسین وانی، سید کفایت حسین رضوی، محمد شفیع ڈار، سید منظور احمد شاہ،زاہد اشرف اور گلشن احمد کے علاوہ سردار عتیق عثمانی، بشیر عثمانی اور رشید کاظمی نے بھی شرکت کی۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.