ایران اور صومالیہ کے الشباب گروپ کے درمیان خفیہ تعلقات کا انکشاف

صومالیہ نے خطے میں تخریبی کردار کے لیے ایران کو نیا میدان فراہم کر دیا،امریکی فارن پالیسی میگزین

پیر 20 جولائی 2020 12:56

واشنگٹن (اُردو پوائنٹ اخبارتازہ ترین - این این آئی۔ 20 جولائی2020ء) امریکی فارن پالیسی میگزین نے دعوی کیا ہے کہ افریقی ملک صومالیہ میں سرگرم الشباب نامی ایک عسکری گروپ اور ایران کے درمیان خفیہ تعلقات چل رہے ہیں۔ امریکی جریدے نے اپنی رپورٹ میں بتایا کہ الشباب اور ایران کے درمیان خفیہ تعلقات سے ظاہر ہوتا ہے کہ صومالیہ خطے میں تخریبی کردار کے لیے ایران کا ایک نیا میدان بن گیا ہے۔

صومالی حکومت کے اعلی عہدیداروں کے مطابق افریقی خطے میں تہران کے مفادات میں شدت پسند الشباب گروپ کے ساتھ خفیہ تعلقات قائم کرنا بھی شامل ہے۔

(جاری ہے)

ایران کے توسیع پسندانہ مفادات صرف صومالیہ تک نہیں بلکہ ایران عرب اور افریقی ممالک میں اپنے پروردہ گروہوں کی مدد کرکے اپنے اثرو رسوخ میں اضافے کے لیے سرگرم ہے۔ ایران دوسرے ممالک کی انتہا پسند تنظیموں کا استعمال کرتا ہے۔

ان میں یمن کے حوثی کینیا ، تنزانیہ ، جنوبی سوڈان ، موزمبیق اور وسطی افریقی جمہوریہ جیسے دوسرے ممالک میں براہ راست ہتھیار فراہم کے جاتے ہیں۔ایرانی حمایت یافتہ گروپ نے سنہ 2019 اور رواں سال صومالیہ اور شمالی کینیا میں امریکی فوجی اڈوں کے علاوہ مقدیشو میں یورپی یونین کے فوجی قافلے پر بھی حملہ کیا۔ ان حملوں میں تین امریکی فوجی ہلاک ہوئے تھے۔