ملک کے بالائی علاقوں میں تیزہوائوں اورگرج چمک کے ساتھ بارش کاامکان ہے،محکمہ موسمیات

پیر 3 اگست 2020 20:50

اسلام آباد ۔ (اُردو پوائنٹ اخبارتازہ ترین - اے پی پی۔ 03 اگست2020ء) ملک کے بالائی علاقوں میں تیزہوائوں اورگرج چمک کے ساتھ بارش کاامکان ہے۔ محکمہ موسمیات کے مطابق آج منگل کے روز ملک کے بیشترعلاقوں میں موسم گرم اورمرطوب رہیگا۔ تاہم بالائی خیبر پختو نخوا، بالائی پنجاب ، بالائی سندھ ،گلگت بلتستان اورکشمیر کے بعض اضلاع میں تیزہوائوں اورگرج چمک کے ساتھ بارش کی توقع ہے۔

(جاری ہے)

گذشتہ 24 گھنٹے کے دوران ملک کے بیشتر علاقوں میں موسم گرم اورشدید مرطوب رہا۔ تاہم شمال مشرقی پنجاب ،کشمیر، بالائی خیبر پختونخوا اور گلگت بلتستان میں چند مقا مات پر گرج چمک کے ساتھ بارش ہوئی۔ سب سے زیادہ بارش پنجاب میں حافظ آباد 15 ، جہلم 05 ، نارووال01 ، کشمیر میں کوٹلی 04 ، مظفرآباد 03،خیبر پختونخوا میں پاراچنار04 ، گلگت بلتستان میں سکردو میں 01ملی میٹر بارش ریکارڈکی گئی۔ اس دوران ملک میں زیادہ سے زیادہ درجہ حرارت میں سبی47، دادو46 اور شہید بینظیر آباد میں45ڈگری سینٹی گریڈ ریکارڈ کیا گیا۔