جولائی 2020ء میں پاکستانی برآمدات میں گزشتہ سال کی مقابلہ میں 5.8 فیصد اضافہ ہونابڑی کامیابی ہے، مشیر برائے تجارت عبدالرازق داؤد

منگل 4 اگست 2020 15:14

اسلام آباد (اُردو پوائنٹ اخبارتازہ ترین - اے پی پی۔ 04 اگست2020ء) وزیراعظم کے مشیر برائے تجارت عبدالرازق داؤد نے کہا ہے کہ جولائی 2020ء میں پاکستان کی برآمدات میں گزشتہ سال کے مقابلہ میں 5.8 فیصد اضافہ ہوا ہے جو ایک بڑی کامیابی ہے۔

(جاری ہے)

منگل کو یہاں ایک ٹویٹ میں انہوں نے کہا کہ برآمدات میں اضافہ ایک بڑی کامیابی ہے۔ انہوں نے کہا کہ گزشتہ چار ماہ سے برآمدات میں کمی دیکھی جا رہی تھی تاہم کوویڈ اور سمارٹ لاک ڈائون کے باوجود ہماری برآمدات ’’میک ان پاکستان‘‘ پالیسی آگے بڑھ رہی ہے۔ انہوں نے کہا کہ میں تمام برآمد کنندگان کو مبارکباد دینا چاہتا ہوں اور امید کرتا ہوں کہ اس رجحان میں تیزی آتی رہے گی۔