سابق گورنرگلگت بلتستان پیر سید کرم علی شاہ انتقال کر گئے

منگل 4 اگست 2020 16:54

استور (اُردو پوائنٹ اخبارتازہ ترین - اے پی پی۔ 04 اگست2020ء) سابق گورنرگلگت بلتستان پیر سید کرم علی شاہ انتقال کر گئے ،پیر سید کرم علی شاہ کوروناوائرس میں مبتلا تھے اور اسلام آباد کے ایک نجی ہسپتال میں زیر علاج تھے۔ ان کی عمر 86 برس تھی ۔

(جاری ہے)

پیر سید کرم علی شاہ کا تعلق ضلع غذر سے تھا ،آپ کا شمار گلگت بلتستان کے قدآور سیاسی شخصیات میں ہوتا تھا اور آپ کو یہ اعزاز بھی حاصل تھا کہ غذر حلقہ ون سے ناردرن ایریا مشاورتی کونسل کے انتخابات 1970 سے لیکر گلگت بلتستان قانون ساز اسمبلی کے الیکشن 2009 تک ناقابلِ شکست مسلسل دس مرتبہ ممبر منتخب ہوئے جو کہ ایک ریکارڈ ہے۔

1994 میں پاکستان پیپلز پارٹی کی حکومت میں ڈپٹی چیف ایگزیکٹو جبکہ 2011 میں پی پی پی ہی کی حکومت میں ہی گورنر گلگت بلتستان کے عہدے پر فائز رہے۔