آرمی چیف قمر جاوید باجوہ کالاہور کا دورہ ،کور ہیڈ کوارٹرز میں سینئر حاضر سروس اورریٹائرڈ فوجی افسران سے ملاقات

پیشہ ورانہ امور ، خطے میں سلامتی ، امن و استحکام کی صورتحال کو بہتر بنانے کے اقدامات اور درپیش چیلنجز پر تبادلہ خیال کیا

منگل 4 اگست 2020 20:36

آرمی چیف قمر جاوید باجوہ کالاہور کا دورہ ،کور ہیڈ کوارٹرز میں سینئر ..
لاہور(اُردو پوائنٹ اخبارتازہ ترین - این این آئی۔ 04 اگست2020ء) چیف آف آرمی اسٹاف جنرل قمر جاوید باجوہ نے لاہور کا دورہ کیا اور کور ہیڈ کوارٹرز لاہور میں سینئر حاضر سروس اورریٹائرڈ فوجی افسران سے ملاقات کی ۔آرمی چیف نے پیشہ ورانہ امور ، خطے میں سلامتی ، امن و استحکام کی صورتحال کو بہتر بنانے کے اقدامات اور درپیش چیلنجز پر تبادلہ خیال کیا ۔

(جاری ہے)

آخر میں شرکا ء نے متعدد تجاویزات/معلومات کا تبادلہ کیا اور اس اجلاس پر تبادلہ خیال کے لئے آرمی چیف کا شکریہ بھی ادا کیا۔ بات چیت کے دوران جنرل (ر)جہانگیر کرامت ، جنرل (ر)احسن سلیم حیات ، جنرل (ر)طارق ماجد ، جنرل(ر)ا رشاد محمود اور جنرل (ر)راحیل شریف بھی موجود تھے۔ اس سے قبل پہنچنے پر آرمی چیف کا کمانڈر لاہور کور لیفٹیننٹ جنرل ماجد احسان نے استقبال کیا۔