وزیرتعلیم بیرسٹر سید افتخار گیلانی کی چیئرمین معائنہ و عملدرآمدکمیشن زاہد امین سے ملاقات

وزیر تعلیم کو کیپٹل سٹی ،حلقہ تین میں تعمیر نو کے تحت متعدد تعلیمی اداروں کے جاریہ ترقیاتی عمل پر بریفنگ دی

منگل 4 اگست 2020 21:31

مظفر آباد (اُردو پوائنٹ اخبارتازہ ترین - این این آئی۔ 04 اگست2020ء) وزیرتعلیم بیرسٹر سید افتخار گیلانی نے گزشتہ روز وزیر اعظم معائنہ و عملدرآمد کمیشن سیکرٹریٹ میں چیئرمین معائنہ و عملدرآمدکمیشن زاہد امین سے ملاقات کی۔ اس موقع پر چیئرمین معائنہ وعملدرآمد کمیشن نے وزیر تعلیم کو کیپیٹل سٹی اور حلقہ تین میں تعمیر نو کے تحت متعدد تعلیمی اداروں کے جاریہ ترقیاتی عمل پر بریفنگ دی۔

(جاری ہے)

چیئرمین نے کیپیٹل سٹی کے دیگر اہم منصوبہ جات پر جاریہ کارروائی کی تازہ ترین صورتحال کے متعلق بھی وزیر تعلیم کو تفصیلاًً آگاہ کیا۔ بیرسٹر سید افتخار گیلانی نے اس موقع پر کہا کہ کورونا وباء کی وجہ سے گزشتہ چار مہینوں کے دوران ترقیاتی عمل بری طرح متاثر ہوا تاہم اب کوشش کی جا رہی ہے کہ آمدہ چھ مہینوں کے دوران دارالحکومت کے بڑے ترقیاتی منصوبوں پر سنجیدہ اور ٹھوس پیشرفت کو یقینی بنایا جائے۔