یوم شہدائے پولیس :وزیر اعلی عثمان بزدارکی ایچی سن کالج کے قریب یادگار شہدا آمد،

پھولوں کی چادرچڑھائی،فاتحہ خوانی کی شہید پولیس افسروں اور جوانوں کی عظیم قربانیوں کو خراج عقیدت ، پولیس کے شہداء ہمارا مان ہیں‘ سردار عثمان بزدار

منگل 4 اگست 2020 22:43

یوم شہدائے پولیس :وزیر اعلی عثمان بزدارکی ایچی سن کالج کے قریب یادگار ..

لاہور(اُردو پوائنٹ اخبارتازہ ترین - این این آئی۔ 04 اگست2020ء) وزیر اعلی پنجاب سردار عثمان بزداریوم شہدائے پولیس کے موقع پر شاہراہ قائد اعظم پر ایچی سن کالج کے قریب پولیس یادگار شہدا ء پر گئی-وزیراعلیٰ عثمان بزدار نے یاد گار شہداء پر پھولوں کی چادرچڑھائی اور پولیس کے شہداء کے ایصال ثواب کے لئے فاتحہ خوانی کی-وزیراعلیٰ نے شہید ہونے والے پولیس افسروں اور جوانوں کی عظیم قربانیوں کو خراج عقیدت پیش کرتے ہوئے کہاکہ عوام کے جان ومال کے تحفظ کے لئے اپنی جانیں دینے والے پولیس افسران او رجوانوں کی جرات کو سلام پیش کرتا ہوں- پولیس کے شہداء ہمارا مان ہیں-یوم شہدائے پولیس بہادر سپوتوں کی عظیم قربانیوں کو یاد کرنے کا دن ہی- شہداء پولیس کی لازوال قربانیوںکو ہمیشہ یاد رکھا جائے گا-پنجاب حکومت شہید پولیس افسروں اور جوانوں کے اہل خانہ سے بھی مکمل یکجہتی کااظہار کرتی ہی- شہداء کے خاندانوں کی دیکھ بھال ہماری ذمہ داری بھی ہے اور فرض بھی -پنجاب حکومت شہداء کے خاندانوں کے ساتھ کھڑی ہے اور کھڑی رہے گی- شہید پولیس اہلکاروں کے خاندانوں کو تنہا نہیں چھوڑیں گے۔

(جاری ہے)