359 اہلکاروں کو کورونا چیکس تقسیم کر دئیے گئے، اہلکاروں کی فلاح وبہبود پر خصوصی توجہ دی جارہی ہے، سی سی پی او لاہور

جمعرات 6 اگست 2020 18:48

لاہور(اُردو پوائنٹ اخبارتازہ ترین - این این آئی۔ 06 اگست2020ء) سی سی پی او لاہور ذوالفقارحمید اور ایس ایس پی ایڈمن کیپٹن (ر) لیاقت علی ملک نی25پولیس اہلکاروں میں کورونا کے چیکس تقسیم کر دیے۔ذوالفقار حمید نے ڈی ایس پی کاشف ملک،انسپکٹررضوان سعید،سب انسپکٹر حافظ مبشر، کانسٹیبل سکندر حیات، کانسٹیبل عرفان شاہد، ظہیر عباس، علی حسین سمیت 25 اہلکاروں کو کورونا چیکس دئیے گئے۔

ذوالفقارحمیدکا کہنا تھا کہ پولیس اہلکار کورونا وبائ میں بلاخوف و خطر فرائض سرانجام دے رہے ہیں۔لاہور پولیس کے صرف 13 اہلکار قرنطینہ ہیں اور فرض کی راہ پر لاہور پولیس کے 05 سپوت قربان ہوئے۔ ان کا مزید کہنا تھا کہ لاہور پولیس ہر قسم کے حالات کو پسے پشت ڈالتے ہوئے شہریوں کی سیکورٹی اور سیفٹی کو یقینی بنایاہے۔

(جاری ہے)

کورونا وباء کا خطرہ کم نہیں ہوا، ابھی احتیاط برتنا ہوگی۔

اس موقع پر ایس ایس پی ایڈمن کیپٹن (ر) لیاقت علی ملک کا کہنا تھا کہ مرحلہ وار تمام اہلکاروں کو کورونا چیکس تقسیم کئے جارہے ہیں۔مجموعی طور پر359 اہلکاروں کو کورونا چیکس تقسیم کئے جا چکے ہیں. لیاقت علی ملک کا کہنا تھا کہ لاہور پولیس ایک فیملی کی مانند، اہلکاروں کی ویلفیئر اولین ترجیح ہے، اہلکاروں کی مالی مدد اور واجبات کی ادائیگی کو فوری یقینی بنایا جارہا ہے، پولیس اہلکار کسی بھی قسم کی مدد، راہنمائی کیلئے فوری سی سی پی او آفس رابطہ کر سکتے ہیں۔